സെപ്റ്റംബര്‍ അഞ്ചിനാണ് ദുലീപ് ട്രോഫി ടൂര്‍ണമെന്റ് ആരംഭിക്കുന്നത്. ഇതോടെ എ, ബി, സി, ഡി എന്നീ ടീമുകളും പ്രഖ്യാപിച്ചിരുന്നു. എന്നാല്‍ പരമ്പരയില്‍ സീനിയര്‍ താരങ്ങളായ രോഹിത് ശര്‍മയ്ക്കും വിരാട് കോഹ്‌ലിക്കും ബുംറയ്ക്കും ബി.സി.സി.ഐ വിശ്രമം കൊടുത്തിരുന്നു. എന്നാല്‍ ഇപ്പോള്‍ പുറത്ത് വരുന്ന റിപ്പോര്‍ട്ടുകള്‍ പ്രകാരം പേസ് ബൗളര്‍ മുഹമ്മദ് സിറാജ് ഉമ്രാന്‍ മാലിക്ക് സ്പിന്‍ ബൗളര്‍ രവീന്ദ്ര ജഡേജ എന്നിവരാണ് മാറി നില്‍ക്കുന്നത്.
‘ദുലീപ് ട്രോഫിയിലെ ടീം ബിയില്‍ നിന്നും മുഹമ്മദ് സിറാജിന് പകരം നവ്ദീപ് സാനിയെ നിയമിച്ചു. ടീം സിയില്‍ ഉമ്രാന്‍ മാലിക്കിന് പകരം ഗൗരവ് ധവും ചേരും. മാലിക്കിനും സിറാജിനും ആരോഗ്യപരമായ പ്രശ്‌നങ്ങള്‍ നിലനില്‍ക്കുന്നതിനാല്‍ ദുലീപ് ട്രോഫിയില്‍ ഇവര്‍ ഉണ്ടാകില്ല. രവീന്ദ്ര ജഡേജയേയും ബി ടീമില്‍ നിന്ന് പുറത്താക്കിയിട്ടുണ്ട്,’ ബി.സി.സി.ഐ പറഞ്ഞു.
