2024ല്‍ എന്തിനാ 2020ലെ ഫോട്ടോ ഇടുന്നേ; വൈറലായി മമ്മൂട്ടിയുടെ ന്യൂ ഇയര്‍ പിക്
എന്റര്‍ടെയിന്‍മെന്റ് ഡെസ്‌ക്
Monday, 1st January 2024, 10:22 am
ആഘോഷ ആരവങ്ങളോടെ പുതുവര്‍ഷത്തെ വരവേറ്റിരിക്കുകയാണ് ലോകം. മലയാള സിനിമക്കും വലിയ പ്രതീക്ഷയാണ് 2024ല്‍. മുന്‍നിര താരങ്ങളുടെ വമ്പന്‍ ചിത്രങ്ങളെല്ലാം 2024ല്‍ റിലീസിനൊരുങ്ങുകയാണ്. എമ്പുരാനും ബറോസും മലൈക്കോട്ടൈ വാലിബനുമായി മോഹന്‍ലാലും എ.ആര്‍.എമ്മുമായി ടൊവിനോയും ആവേശവുമായി ഫഹദും കത്തനാരുമായി ജയസൂര്യയും ആടുജീവിതവുമായി പൃഥ്വിരാജുമെല്ലാം അണിയറയില്‍ ഒരുങ്ങുകയാണ്.
പുതുചിത്രങ്ങളുടെ കാര്യത്തില്‍ മമ്മൂട്ടിയും ഒട്ടും പിന്നിലല്ല. പുതുചിത്രങ്ങള്‍ അണിയറയില്‍ ഒരുങ്ങുന്നതിനൊപ്പം പുതിയ ഫോട്ടോയുമായാണ് മമ്മൂട്ടി പുതുവര്‍ഷത്തെ വരവേറ്റത്. മമ്മൂട്ടി പങ്കുവെച്ച ന്യൂ ഇയര്‍ പിക് സോഷ്യല്‍ മീഡിയയില്‍ വൈറലാവുകയാണ്. കൂളിങ് ഗ്ലാസ് വെച്ച് ടര്‍ബോ ലുക്കിലാണ് മമ്മൂട്ടിയുടെ പുതിയ ഫോട്ടോ. അതേസമയം രസകരമായ കമന്റും ചിത്രത്തിന് വരുന്നുണ്ട്.
