ക്രിക്കറ്റ് ലോകത്തെ പ്രധാന ടൂര്‍ണമെന്റായ ചാമ്പ്യന്‍സ് ട്രോഫി 2025 ഫെബ്രുവരി 19 മുതല്‍ മാര്‍ച്ച് 10 വരെയാണ് നടക്കുക. ഇപ്പോള്‍ ചാമ്പ്യന്‍സ് ട്രോഫിക്കുള്ള ഒരുക്കത്തിലാണ് ഇന്ത്യയുള്‍പ്പെടെയുള്ള രാജ്യങ്ങള്‍. ടൂര്‍ണമെന്റിനായുള്ള സ്‌ക്വാഡ് പുറത്ത് വിട്ടതോടെ ഇന്ത്യ പല വിമര്‍ശനങ്ങളും ചര്‍ച്ചകളുമാണ് ഇപ്പോള്‍ ക്രിക്കറ്റ് ലോകത്ത് നടക്കുന്നത്.
എന്നിരുന്നാലും നടക്കാനിരിക്കുന്ന ചാമ്പ്യന്‍സ് ട്രോഫിയില്‍ പാകിസ്ഥാന് മികവ് പുലര്‍ത്തുമെന്ന് പറയുകയാണ് മുന്‍ ഇന്ത്യന്‍ ക്രിക്കറ്റ് താരം സുനില്‍ ഗവാസ്‌കര്‍. സ്വന്തം മണ്ണില്‍ മത്സരങ്ങള്‍ നടക്കുന്നതിന്റെ നേട്ടം പാകിസ്ഥാന് കിട്ടുമെന്നാണ് അദ്ദേഹം പറഞ്ഞിരിക്കുന്നത്. 2017ല്‍ നടന്ന ചാമ്പ്യന്‍സ് ട്രോഫിയില്‍ കിരീടം നേടിയത് പാകിസ്ഥാനായിരുന്നു.
‘സ്വന്തം സാഹചര്യങ്ങളില്‍ ഒരു ടീമിനെ തോല്‍പ്പിക്കുന്നത് എല്ലായ്‌പ്പോഴും വെല്ലുവിളിയായതിനാല്‍ ഹോം ടീമായ പാകിസ്ഥാനെ മികച്ചതാണെന്ന് കണക്കാക്കണം,’ സുനില്‍ ഗവാസ്‌കര്‍ പറഞ്ഞു.
2017ലെ ചാമ്പ്യന്‍സ് ട്രോഫി ഫൈനലില്‍ ഇന്ത്യയ്ക്കെതിരെ പാകിസ്ഥാന് തകര്‍പ്പന്‍ വിജയം സ്വന്തമാക്കുക ആയിരുന്നു. ഇതോടെ ഓവലില്‍ അവര്‍ തങ്ങളുടെ ആദ്യ ചാമ്പ്യന്‍സ് ട്രോഫി കിരീടം സ്വന്തമാക്കി. ടൂര്‍ണമെന്റ് പാകിസ്ഥാനിലേക്ക് മടങ്ങിയതോടെ പാകിസ്ഥാന് തങ്ങളുടെ ടോമിനേഷന്‍ തുടരാന്‍ സാധ്യതയുണ്ടെന്നും ഗവാസ്‌കര്‍ സൂചിപ്പിച്ചു.
എന്നാല്‍ 2023 ഏകദിന ലോകകപ്പിന്റെ ഫൈനലില്‍ പരാജയപ്പെട്ടെങ്കിലും ഇന്ത്യ നടത്തിയത് അസാധാരണ പ്രകടനം ആയിരുന്നു. ഫൈനല്‍ വരെ തുടര്‍ച്ചയായി പത്ത് മത്സരങ്ങള്‍ വിജയിച്ചുവെന്ന് ഗവാസ്‌കര്‍ ഓര്‍മിപ്പിച്ചു.
Content Highlight: Sunil Gavaskar Talking About Pakistan Cricket Team
