'ശിവസേനയെ പിന്തിരിപ്പിക്കാന്‍ ശ്രമിക്കുകയാണ് ബി.ജെ.പി'; ഓപ്പറേഷന്‍ താമര തടയാന്‍ കോണ്‍ഗ്രസ് ശ്രമിക്കുമെന്നും പൃഥ്വിരാജ് ചവാന്‍
ഡൂള്‍ന്യൂസ് ഡെസ്‌ക്
Wednesday, 13th November 2019, 7:19 pm
മുംബൈ: മഹാരാഷ്ട്രയില്‍ ബി.ജെ.പിയുടെ ഓപ്പറേഷന്‍ താമര തടയാന്‍ കോണ്‍ഗ്രസ് ജാഗ്രത പുലര്‍ത്തുമെന്ന് മുതിര്‍ന്ന നേതാവ് പൃഥ്വിരാജ് ചവാന്‍. കോണ്‍ഗ്രസും എന്‍.സി.പിയുമായും സഖ്യം ചേരുന്നതില്‍ നിന്നും ശിവസേനയെ ബി.ജെ.പി പിന്തിരിപ്പിക്കാന്‍ ശ്രമിക്കുകയാണെന്നും പൃഥ്വിരാജ് ചവാന്‍ ആരോപിച്ചു. ബി.ജെ.പി നേതാവും മഹാരാഷ്ട്ര മുഖ്യമന്ത്രിയുമായ ദേവേന്ദ്ര ഫഡ്‌നാവിസ് സര്‍ക്കാര്‍ രൂപീകരിക്കുന്നതിനുള്ള ശ്രമങ്ങള്‍ നടത്തുമെന്ന് നാരായണ്‍ റാണെ പറഞ്ഞതിന് പിന്നാലെയാണ് പൃഥ്വിരാജ് ചവാന്റെ പ്രതികരണം.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
സര്‍ക്കാര്‍ രൂപീകരണവുമായി ബന്ധപ്പെട്ട് കോണ്‍ഗ്രസ് എന്‍.സി.പിയുമായി ചര്‍ച്ചകള്‍ നടത്തുകയാണെന്നും ശിവസേനയുമായി ചേര്‍ന്ന് സര്‍ക്കാര്‍ രൂപീകരിക്കുകയാണെങ്കിലുള്ള പൊതുമിനിമം പരിപാടിയെക്കുറിച്ച് ആലോചിക്കുകയാണെന്നും അദ്ദേഹം പറഞ്ഞു.
