മുംബൈ: റിലീസ് ചെയ്യാനിരിക്കുന്ന സന്ദ് കീ ആന്‍ഖ് എന്ന ചിത്രത്തിന്റെ ട്രെയ്‌ലര്‍ പുറത്തിറങ്ങിയതോടെ ബോളിവുഡില്‍ പുതിയ ചര്‍ച്ചകള്‍ ചൂടു പിടിക്കുകയാണ്. 60ാമത്തെ വയസ്സില്‍ ഷൂട്ടേര്‍സ് ചാമ്പ്യന്‍മാരാകുന്ന രണ്ട് വൃദ്ധ സ്ത്രീകളുടെ കഥയാണ് ചിത്രം പറയുന്നത്. എന്നാല്‍ ചിത്രത്തില്‍ 60 വയസ്സുകാരെ അവതരിപ്പിക്കുന്നത് ബോളിവുഡിലെ യുവനടികളായ തപ്‌സി പന്നുവും ഭൂമി പട്‌നേക്കറുമാണ് എന്നതാണ് വിവാദമായിരിക്കുന്നത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
60 വയസ്സായവരെ ചെറുപ്പക്കാരികളിലൂടെ അവതരിപ്പിക്കുന്നതിലൂടെ ബോളിവുഡിന്റെ സെക്‌സിറ്റ് സ്വഭാവമാണ് കാണിച്ചിരിക്കുന്നതെന്നും പ്രായമായ അഭിനേതാക്കളുടെ അവസരമാണ് ഇല്ലാതാകുന്നത് എന്നുമാണ് ചിത്രത്തിനെതിരെ ഉയരുന്ന പ്രധാന വിമര്‍ശനം. ബോളിവുഡ് നടി കങ്കണ റണൗത്തിന്റെ സഹോദരിയുടെ ട്വീറ്റാണ് വിവാദങ്ങളെ രൂക്ഷമാക്കിയത്.ചിത്രത്തിന്റെ നിര്‍മാതാക്കള്‍ കങ്കണയെ സമീപിച്ചെന്നും എന്നാല്‍ ഈ കഥാപാത്രങ്ങള്‍ ചെയ്യാന്‍ ഇവിടെ കഥാപാത്രങ്ങളുടെ അതേ പ്രായമുള്ള അഭിനേതാക്കളുമുണ്ടെന്ന് അഭിപ്രായപ്പെട്ട കങ്കണ നടി നീന ഗുപ്തയെ നിര്‍ദ്ദേശിക്കുകയും ചെയ്തു എന്നാല്‍ നിര്‍മാതാക്കള്‍ ഇതിന് തയ്യാറായില്ല എന്നുമാണ് ഇവര്‍ പറഞ്ഞത്.
