പ്രധാനമന്ത്രി നരേന്ദ്ര മോദിയെ കാണാനില്ല!; വരുന്നത് നീരവ് മോദി; വേര്‍ ഇസ് പി.എം, ട്വിറ്ററില്‍ ട്രെന്റിംഗ്
ഡൂള്‍ന്യൂസ് ഡെസ്‌ക്
Friday, 16th April 2021, 7:19 pm
ന്യൂദല്‍ഹി: ട്വിറ്ററില്‍ ട്രെന്റിംഗ് ആയി WhereisPM ഹാഷ്ടാഗ്. രാജ്യത്ത് കൊവിഡ് വ്യാപനം രൂക്ഷമായിക്കൊണ്ടിരിക്കുന്ന സാഹചര്യത്തിലാണ് WhereisPM ഹാഷ്ടാഗ് ട്രെന്റിംഗ് ആയിക്കൊണ്ടിരിക്കുന്നത്. ഇതിനോടകം എഴുപതിയെട്ടായിരത്തോളം ആളുകളാണ് ഈ ഹാഷ്ടാഗില്‍ ട്വീറ്റുകള്‍ ചെയ്തിരിക്കുന്നത്.
രാജ്യം പ്രതിസന്ധി ഘട്ടത്തിലൂടെ കടന്നുപോകുമ്പോള്‍ പ്രധാനമന്ത്രിയെ കാണാതായിരിക്കുകയാണ്, ബി.ജെ.പിക്ക് വോട്ട് ചെയ്തിട്ട് ഇപ്പോള്‍ ആശുപത്രിക്ക് വേണ്ടി കരയുന്നതെന്തിനാണ്, പ്രധാനമന്ത്രി മോദിക്ക് വേണ്ടി കാത്തിരിക്കുമ്പോള്‍ യു.കെയില്‍ നിന്ന് നീരവ് മോദിയാണ് എത്തുന്നത് എന്നിങ്ങനെ നിരവധി ട്വീറ്റുകളാണ് വന്നുകൊണ്ടിരിക്കുന്നത്.
