"അയ്യോ എന്നെ തല്ലുന്നേ"; ഇന്ത്യന്‍ ബൗളര്‍മാര്‍ റണ്‍സ് വാങ്ങിക്കൂട്ടിയതില്‍ അര്‍ണബ് ഗോസ്വാമിയുടെ ഫോട്ടോ വെച്ച് ട്രോളി സെവാഗ്
സ്പോര്‍ട്സ് ഡെസ്‌ക്
Friday, 26th March 2021, 10:39 pm
മുംബൈ: ഇംഗ്ലണ്ടിനെതിരായ രണ്ടാം ഏകദിനത്തില്‍ ഇന്ത്യന്‍ ബൗളര്‍മാര്‍ റണ്‍സ് വിട്ടുകൊടുക്കുന്നതില്‍ ഒട്ടും പിശുക്ക് കാണിച്ചിരുന്നില്ല. ജേസണ്‍ റോയും ജോണി ബെയര്‍സ്‌റ്റോയും ബെന്‍ സ്റ്റോക്സും തല്ലി പതം വരുത്തിയ ഇന്ത്യന്‍ ബൗളര്‍മാരെ ട്രോളി മുന്‍ താരം വിരേന്ദ്രര്‍ സെവാഗ് രംഗത്തെത്തിയിട്ടുണ്ട്.
ആത്മഹത്യാപ്രേരണക്കേസില്‍ അറസ്റ്റ് ചെയ്ത റിപ്പബ്ലിക് ടി.വി മാധ്യമപ്രവര്‍ത്തകന്‍ അര്‍ണബ് ഗോസ്വാമിയുടെ ഫോട്ടോ വെച്ചാണ് സെവാഗിന്റെ ട്രോള്‍. എന്നെ തല്ലിചതച്ചു എന്ന് ഹിന്ദിയിലും ഇംഗ്ലീഷിലും ഫോട്ടോയ്ക്ക് മേല്‍ എഴുതിയിട്ടുമുണ്ട്.
ഇന്ത്യ ഉയര്‍ത്തിയ 337 റണ്‍സ് വിജയലക്ഷ്യം ഇംഗ്ലണ്ട് 6 വിക്കറ്റും 39 പന്തുകളും ശേഷിക്കെയാണ് മറികടന്നത്.
ഇംഗ്ലണ്ടിനായി ജോണി ബെയര്‍സ്‌റ്റോ സെഞ്ച്വറിയും (124) ബെന്‍ സ്റ്റോക്സും (99) ജേസണ്‍ റോയും (55) അര്‍ധസെഞ്ച്വറിയും നേടി.
