തലക്കനം ഉള്ളവര്‍ വന്ന് ഒസ്‌കാര്‍ വിന്നിങ് സ്‌ക്രിപ്റ്റ് പറഞ്ഞാലും ഞാന്‍ കൈ കൊടുക്കില്ല; ഉണ്ണി മുകുന്ദന്‍
എന്റര്‍ടെയിന്‍മെന്റ് ഡെസ്‌ക്
Saturday, 28th May 2022, 9:52 pm
സിനിമകള്‍ തെരെഞ്ഞെടുക്കുന്നതിനെ പറ്റിയുള്ള തന്റെ രീതികളെ പറ്റി പറയുകയാണ് ഉണ്ണി മുകുന്ദന്‍. കൗമുദി മൂവിസിന് നല്‍കിയ അഭിമുഖത്തില്‍ സംസാരിക്കുകയായിരുന്നു താരം.
‘എനിക്ക് വ്യക്തികളുടെ പെരുമാറ്റം വളരെ പ്രധാനപ്പെട്ടതാണ്. ഒരു നോര്‍മല്‍ ആള് വന്ന് ഒരു നോര്‍മല്‍ കഥ പറഞ്ഞാല്‍ ചിലപ്പോള്‍ ഞാന്‍ കൈ കൊടുക്കും. പക്ഷെ ഭയങ്കര ഹെഡ് വെയിറ്റൊക്കെ ആയി വന്ന് കഥ പറഞ്ഞാല്‍ അത് ഓസ്‌കാര്‍ വിന്നിങ് സ്‌ക്രിപ്റ്റ് ആയാലും ഞാന്‍ അത് വേണ്ട എന്ന് വെക്കും എന്റെ സ്വഭാവം അങ്ങനെയാണ്. അത്തരത്തിലുള്ള ആളുകളുമായി കൂടുകൂടാന്‍ എനിക്ക് ഇത്തിരി ബുദ്ധിമുട്ടാണ്.’ – ഉണ്ണി മുകുന്ദന്‍ പറഞ്ഞു.
