കാസര്‍ഗോഡ്: സി.പി.ഐ.എം സംസ്ഥാന സെക്രട്ടറി എ. വിജയരാഘവനെതിരെ വിമര്‍ശനവുമായി യു.ഡി.എഫ് കണ്‍വീനര്‍ എം. എം ഹസ്സന്‍. വിജയ രാഘവന്‍ ഇടതുമുന്നണിയുടെ കണ്‍വീനര്‍ ആണോ അതോ ഹിന്ദു മുന്നണിയുടെ കണ്‍വീനറാണോ എന്നായിരുന്നു എം. എം ഹസന്റെ ചോദ്യം.
കേരള യാത്രയുടെ ഉദ്ഘാടന വേദിയിലായിരുന്നു എം. എം ഹസന്റെ പ്രതികരണം.
ലീഗ് മതാധിഷ്ഠിതപാര്‍ട്ടിയാണെന്നും കോണ്‍ഗ്രസിനെ നയിക്കുന്നത് മുസ്‌ലിം ലീഗാണെന്ന തരത്തിലുമുള്ള വിജയരാഘവന്റെ വിവാദ പ്രസ്താവനയോട് പ്രതികരിക്കുകയായിരുന്നു അദ്ദേഹം.
കുമ്പളയിലാണ് ഐശ്വര്യ കേരളയാത്രയ്ക്ക് തുടക്കം കുറിച്ചിരിക്കുന്നത്. മുന്‍ മുഖ്യമന്ത്രിയും കോണ്‍ഗ്രസിന്റെ തെരഞ്ഞെടുപ്പ് മേല്‍നോട്ട സമിതി അധ്യക്ഷനായ ഉമ്മന്‍ ചാണ്ടിയുമാണ് യാത്ര ഫ്‌ളാഗ് ഓഫ് ചെയ്തത്.
140 മണ്ഡലങ്ങളിലും പര്യടനം നടത്തിയ ശേഷം ഫെബ്രുവരി 22 ന് യാത്ര തിരുവനന്തപുരത്ത് സമാപിക്കും.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
