മോഹന്‍ ഭാഗവതിന്റെയും മറ്റു ആര്‍.എസ്.എസ് നേതാക്കളുടെയും ബ്ലൂ ടിക്ക് പുനഃസ്ഥാപിച്ച് ട്വിറ്റര്‍
ഡൂള്‍ന്യൂസ് ഡെസ്‌ക്
Saturday, 5th June 2021, 6:13 pm
ന്യൂദല്‍ഹി: ആര്‍.എസ്.എസ് തലവന്‍ മോഹന്‍ ഭാഗവതിന്റെയും മറ്റു ആര്‍.എസ്.എസ് നേതാക്കളുടെയും ട്വിറ്റര്‍ അക്കൗണ്ടിന്റെ ബ്ലൂ ടിക്ക് വേരിഫൈഡ് ബാഡ്ജ് പുനഃസ്ഥാപിച്ചു.
മോഹന്‍ ഭാഗവതിന് പുറമെ, ആര്‍.എസ്.എസ് നേതാക്കളായ സുരേഷ് ജോഷി, അരുണ്‍ കുമാര്‍, സുരേഷ് സോണി എന്നിവരുടെ ബ്ലൂ ടിക്ക് ബാഡ്ജുകളാണ് ട്വിറ്റര്‍ നീക്കം ചെയ്തിരുന്നത്.
20.76 ലക്ഷം ഫോളോവേഴ്സ് ഉള്ള ഭാഗവതിന്റെ ട്വിറ്റര്‍ അക്കൗണ്ടില്‍ നിന്നാണ് നേരത്തെ ബ്ലൂ ടിക്ക് ഒഴിവാക്കിയിരുന്നത്.
ഉപരാഷ്ട്രപതി വെങ്കയ്യ നായ്ഡുവിന്റെ വ്യക്തിഗത അക്കൗണ്ടില്‍ നിന്നും ബ്ലൂ ടിക്ക് ഒഴിവാക്കിയിരുന്നു. അക്കൗണ്ട് സജീവമല്ലാത്തതിനാലാണ് ബ്ലൂ ടിക്ക് ഒഴിവാക്കിയത്. എന്നാല്‍ പിന്നീട് മണിക്കൂറുകള്‍ക്ക് ശേഷം ബ്ലൂ ടിക്ക് പുനസ്ഥാപിച്ചു.
