ഗ്യാങ് ഓഫ് കൊത്ത ഒ.ടി.ടിയിലേക്ക്; റിലീസ് ഡേറ്റ് പുറത്ത്
എന്റര്‍ടെയിന്‍മെന്റ് ഡെസ്‌ക്
Monday, 25th September 2023, 2:44 pm
ദുല്‍ഖര്‍ സല്‍മാന്‍ ചിത്രം കിങ് ഓഫ് കൊത്തയുടെ ഒ.ടി.ടി റിലീസ് പ്രഖ്യാപിച്ചു. ചിത്രം സെപ്റ്റംബര്‍ 29 മുതല്‍ ഡിസ്‌നി പ്ലസ് ഹോട്‌സ്റ്റാറില്‍ പ്രദര്‍ശിപ്പിച്ചു തുടങ്ങും.
ഓഗസ്റ്റ് 24ന് വമ്പന്‍ പ്രതീക്ഷകളോടെയാണ് ചിത്രം തിയേറ്ററുകളിലേക്ക് എത്തിയത്. സമ്മിശ്ര പ്രതികരണമായിരുന്നു ആദ്യദിനം മുതല്‍ തന്നെ കിങ് ഓഫ് കൊത്തക്ക് ലഭിച്ചുകൊണ്ടിരുന്നത്. ഇതിനിടയില്‍ ചിത്രത്തിനെതിരെ മനപ്പൂര്‍വം ഡീഗ്രേഡിങ് നടക്കുന്നു എന്ന ആരോപണവുമായി അണിയറപ്രവര്‍ത്തകര്‍ എത്തിയിരുന്നു.
നവാഗതനായ അഭിലാഷ് ജോഷി സംവിധാനം ചെയ്ത ചിത്രത്തിന് അഭിലാഷ് എന്‍. ചന്ദ്രനാണ് തിരക്കഥയൊരുക്കിയത്.
