ടെസ്റ്റില്‍ ടി-20 കളിക്കാന്‍ ഇംഗ്ലണ്ടിന് മാത്രമല്ല ഇന്ത്യക്കാര്‍ക്കും പറ്റും; വെടിക്കെട്ടുമായി സൂര്യകുമാര്‍ യാദവും ജെയ്‌സ്വാളും
സ്പോര്‍ട്സ് ഡെസ്‌ക്
Tuesday, 20th December 2022, 5:14 pm
ടെസ്റ്റ് ഫോര്‍മാറ്റിലേക്കുള്ള തന്റെ റീ എന്‍ട്രി മാസാക്കി സൂര്യകുമാര്‍ യാദവ്. രഞ്ജി ട്രോഫിയില്‍ മുംബൈ-ഹൈദരാബാദ് മത്സരത്തിലാണ് സൂര്യകുമാര്‍ അടക്കമുള്ള മുംബൈ താരങ്ങള്‍ ബാസ്‌ബോളിലേക്ക് ഗിയര്‍ മാറ്റിയത്.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ മുംബൈക്ക് മികച്ച തുടക്കമാണ് ലഭിച്ചത്. ഓപ്പണര്‍ പൃഥ്വി ഷായെ ടീം സ്‌കോര്‍ 23ല്‍ നില്‍ക്കവെ നഷ്ടമായെങ്കിലും മറ്റ് ബാറ്റര്‍മാര്‍ ആഞ്ഞടിച്ചു. 21 പന്തില്‍ നിന്നും നാല് ഫോര്‍ ഉള്‍പ്പെടെ 19 റണ്‍സ് നേടി നില്‍ക്കവെയായിരുന്നു ഷായുടെ മടക്കം.
ഓപ്പണര്‍ യശസ്വി ജയ്‌സ്വാളിനൊപ്പം വണ്‍ ഡൗണായി സൂര്യകുമാര്‍ യാദവുമെത്തിയതോടെ കളിയുടെ ഫോര്‍മാറ്റ് തന്നെ മാറി. ഇരുവരും വെടിക്കെട്ടിന് തിരി കൊളുത്തിയതോടെ ഹൈദരബാദ് ബൗളര്‍മാര്‍ നിന്നുവിറച്ചു.
