'ആ പുതിയ കാറില്‍ മമ്മൂക്ക എന്നെയും നിര്‍ബന്ധിച്ച് കയറ്റി, അദ്ദേഹം അതിനു വേണ്ടി കാത്തുനിന്നു'; അനുഭവം പങ്കുവെച്ച് സുരേഷ് കൃഷ്ണ
എന്റര്‍ടെയിന്‍മെന്റ് ഡെസ്‌ക്
Wednesday, 23rd December 2020, 7:44 pm
മലയാളികളുടെ പ്രിയനടന്‍ മമ്മൂട്ടിയുടെ വാഹനങ്ങളോടുള്ള ഇഷ്ടം ഏറെ പ്രസിദ്ധമാണ്. ചെറുപ്പം മുതലേ തനിക്ക് വാഹനങ്ങള്‍ ഇഷ്ടമാണെന്ന് മമ്മൂട്ടി തന്നെ പല അഭിമുഖങ്ങളിലും പറഞ്ഞിട്ടുള്ളതുമാണ്.
മമ്മൂട്ടിയുടെ വാഹനപ്രേമം തിരിച്ചറിഞ്ഞ അനുഭവത്തെക്കുറിച്ച് സ്റ്റാര്‍ ആന്‍ഡ് സ്റ്റൈലിന് നല്‍കിയ അഭിമുഖത്തില്‍ പറയുകയാണ് നടനായ സുരേഷ് കൃഷ്ണ.
പഴശ്ശിരാജയുടെ ഷൂട്ടിനിടെ മമ്മൂട്ടി ഒരു ബി.എം.ഡബ്ല്യൂ കാര്‍ വാങ്ങുകയും എന്നാല്‍ ഷൂട്ടിന്റെ തിരക്കായതിനാല്‍ കൊച്ചിയിലെ വീട്ടിലെത്തിയ കാര്‍ അദ്ദേഹത്തിന് കാണാന്‍ കഴിഞ്ഞില്ലെന്നും സുരേഷ് കൃഷ്ണ പറയുന്നു.
ഷൂട്ടിന് കുറച്ചു ദിവസത്തെ ഇടവേള വന്നപ്പോള്‍ ഞാനും മമ്മൂക്കയും ഒരുമിച്ച് കോഴിക്കോട്ടുനിന്ന് കൊച്ചിയിലേക്ക് വിമാനം കയറി. പുതിയ കാര്‍ ഓടിക്കാനുള്ള ആവേശം എനിക്ക് അദ്ദേഹത്തില്‍ കാണാമായിരുന്നു. സുരേഷ് കൃഷ്ണ പറഞ്ഞു.
