കാസര്‍ഗോഡ് ലോക് ഡൗണ്‍ അനുസരിക്കാതെ പുറത്തിറങ്ങിയവരെ വിരട്ടിയോടിച്ച് പൊലീസും കളക്ടറും; ഭരണസംവിധാനത്തെ അനുസരിക്കാത്ത ജനസമൂഹമുണ്ടെങ്കില്‍ അവരെ കൈകാര്യം ചെയ്യുമെന്നും ജില്ലാകളക്ടര്‍
ഡൂള്‍ന്യൂസ് ഡെസ്‌ക്
Monday, 23rd March 2020, 2:36 pm
കാസര്‍ഗോഡ്: കാസര്‍ഗോഡ് നിരോധനാജ്ഞ ലംഘിച്ച് പുറത്തിറങ്ങിയവരെ വിരട്ടിയോടിച്ച് പൊലീസ്. സംസ്ഥാനത്ത്
ഏറ്റവും കൂടുതല്‍ കൊറോണ രോഗബാധിതരുള്ളത് കാസര്‍ഗോഡ് ജില്ലയിലാണ്. ഇന്നലെത്തന്നെ കാസര്‍ഗോഡ് 144 പ്രഖ്യാപ്പിച്ചിരുന്നു. ജില്ല ഇപ്പോള്‍ ലോക് ഡൗണ്‍ ചെയ്തിട്ടുണ്ട്.
നിര്‍ദ്ദേശം മറികടന്ന് പുറത്തിറങ്ങിയവരെ പൊലീസും കളക്ടറും ചേര്‍ന്നാണ് വിരട്ടിയോടിച്ചത്.
നിര്‍ദ്ദേശങ്ങള്‍ ലംഘിച്ച് പുറത്തിറങ്ങിയാല്‍ കര്‍ശനനടപടി സ്വീകരിക്കുമെന്ന് ജില്ലാകളക്ടര്‍ സജിത് ബാബു അറിയിച്ചു.
ഭക്ഷ്യ ക്ഷാമം ഉണ്ടാവില്ലെന്നും കളക്ടര്‍ പറഞ്ഞു. ഭരണസംവിധാനത്തെ അനുസരിക്കാത്ത ജനസമൂഹമുണ്ടെങ്കില്‍ അത് കൈകാര്യം ചെയ്യേണ്ടത് സര്‍ക്കാറിന്റെ പ്രധാന കടമയാണ് അത് തങ്ങള്‍ ചെയ്യുമെന്നും അദ്ദേഹം പറഞ്ഞു.
