ബി.ജെ.പി. നീക്കം പാളുന്നു? തെരഞ്ഞെടുപ്പ് അടുത്തതോടെ യോഗിയെ വെള്ളപൂശാനിറങ്ങി ആര്‍.എസ്.എസ്.
ഡൂള്‍ന്യൂസ് ഡെസ്‌ക്
Monday, 19th July 2021, 8:52 am
ലക്‌നൗ: ഉത്തര്‍പ്രദേശ് തെരഞ്ഞെടുപ്പ് അടുത്തിരിക്കെ യോഗി ആദിത്യനാഥിനെ വെള്ളപൂശാന്‍ ഭഗീരഥപ്രയത്‌നവുമായി ആര്‍.എസ്.എസ്. യോഗിയെ ഹിന്ദുത്വത്തിന്റെ മുഖമായി മാറ്റി ദേശീയ രാഷ്ട്രീയത്തിലേക്ക് എത്തിക്കാനാണ് ആര്‍.എസ്.എസിന്റെ ശ്രമം.
മഥുരയിലെ മുതിര്‍ന്ന ആര്‍.എസ്.എസ്. നേതാവിന്റെ ഉദ്ധരിച്ച് ഇന്ത്യാ ടുഡേയാണ് ഇക്കാര്യം റിപ്പോര്‍ട്ട് ചെയ്യുന്നത്. പ്രധാനമന്ത്രി നരേന്ദ്രമോദിയ്ക്ക് ശേഷം തെരഞ്ഞെടുപ്പ് രാഷ്ട്രീയത്തിലേക്ക് യോഗിയെ ഹിന്ദുത്വമുഖമാക്കി അവരോധിക്കാനാണ് ആര്‍.എസ്.എസ്. തീരുമാനം.
അയോധ്യ ക്ഷേത്രം, ദേശീയ സുരക്ഷ, ആര്‍ട്ടിക്കിള്‍ 370, ജനസംഖ്യാ നിയന്ത്രണ ബില്‍ തുടങ്ങിയ വിഷയങ്ങള്‍ മുന്‍നിര്‍ത്തി പ്രചരണം ശക്തമാക്കാനാണ് വൃന്ദാവനില്‍ നടന്ന ആര്‍.എസ്.എസ്. യോഗം തീരുമാനിച്ചിരിക്കുന്നത്.
2022 ലാണ് ഉത്തര്‍പ്രദേശ് തെരഞ്ഞെടുപ്പ് നടക്കുന്നത്.
