ധോണിയുമായി താരതമ്യപ്പെടുത്തുന്നതില്‍ സന്തോഷമൊക്കെയുണ്ട്, പക്ഷേ... റിഷഭ് പന്ത് പറയുന്നു
സ്പോര്‍ട്സ് ഡെസ്‌ക്
Thursday, 21st January 2021, 4:11 pm
മഹേന്ദ്ര സിംഗ് ധോണിയുമായുള്ള താരതമ്യപ്പെടുത്തല്‍ ആഹ്ലാദകരമാണെങ്കിലും സ്വന്തമായൊരു പേരുണ്ടാക്കാനാണ് താന്‍ ആഗ്രഹിക്കുന്നതെന്ന് വിക്കറ്റ് കീപ്പര്‍ ബാറ്റ്‌സ്മാന്‍ റിഷഭ് പന്ത്. ഓസ്‌ട്രേലിയയിലെ ഇന്ത്യയുടെ ചരിത്ര വിജയത്തിന് പിന്നാലെയാണ് പന്തിന്റെ പ്രതികരണം.
ഇത് ആഹ്ലാദകരമാണ്, പക്ഷേ ആരുമായും താരതമ്യം ചെയ്യപ്പെടണമെന്ന് ഞാന്‍ ആഗ്രഹിക്കുന്നില്ല, ഇന്ത്യന്‍ ക്രിക്കറ്റിലെ ഒരു പേരായി എന്നെത്തന്നെ മാറ്റാന്‍ ഞാന്‍ ആഗ്രഹിക്കുന്നു, ഇതിഹാസങ്ങളെ ചെറുപ്പക്കാരുമായി താരതമ്യം ചെയ്യുന്നത് ശരിയല്ല, റിഷഭ് പന്ത് പറഞ്ഞു.
ഓസ്ട്രേലിയയില്‍ പരമ്പര കളിച്ച രീതിയില്‍ ടീം സന്തോഷത്തിലാണെന്നാണ് കരുതുന്നതെന്നും അദ്ദേഹം പറഞ്ഞു.
