വാടകയ്‌ക്കെടുത്ത വാഹനങ്ങള്‍ മറിച്ചുവിറ്റു; ഒരാള്‍ അറസ്റ്റില്‍
ഡൂള്‍ന്യൂസ് ഡെസ്‌ക്
Tuesday, 23rd November 2021, 5:01 pm
തൃശൂര്‍: വാടകയ്‌ക്കെടുത്ത വാഹനങ്ങള്‍ മറിച്ചുവിറ്റ സംഭവത്തില്‍ ഒരാളെ പൊലീസ് അറസ്റ്റ് ചെയ്തു. വാടാനപ്പിള്ളി പുതിയവീട്ടില്‍ മുല്ല റാഫിയെന്ന് വിളിക്കുന്ന റാഫിയാണ് പിടിയിലായത്.
വിവാഹ ആവശ്യങ്ങള്‍ക്കെന്ന് പറഞ്ഞ് വാഹനം വാടകയ്ക്കെടുത്ത് മറിച്ചുവില്‍ക്കുകയാണ് റാഫി ചെയ്തിരുന്നത്.
ചിറക്കല്‍ സ്വദേശി സുധീറിന്റെ കാറ് നാലുമാസം മുമ്പാണ് ഇയാള്‍ വാടകയ്ക്ക് എടുത്തത്. വാഹനം തിരിച്ചു കിട്ടാത്തതിനെ തുടര്‍ന്ന് നല്‍കിയ പരാതിയുടെ അന്വേഷണത്തിലാണ് പ്രതിയെ പിടികൂടിയത്.
ചേര്‍പ്പ് പൊലീസാണ് ഇയാളെ അറസ്റ്റ് ചെയ്തത്. സുധീറിന്റെ വാഹനം തമിഴ്നാട്ടിലേക്ക് വില്‍പനക്കായി കൊണ്ടുപോയി എന്നാണ് പറയുന്നത്. വാഹനം ഇതുവരെയും കണ്ടെത്താന്‍ കഴിഞ്ഞിട്ടില്ല.
