ഇത് കഴിച്ചോ, ഓളം വരും, ഡ്രിപ്പാവും; അര്‍ജുനും അശോകനും വീണ്ടും ഒന്നിക്കുന്നു; ട്രെയ്‌ലര്‍
എന്റര്‍ടെയിന്‍മെന്റ് ഡെസ്‌ക്
Saturday, 1st July 2023, 7:46 pm
അര്‍ജുന്‍ അശോകന്‍ കേന്ദ്രകഥാപാത്രമാവുന്ന ഓളം ട്രെയ്‌ലര്‍ പുറത്ത്. വനത്തിനുള്ളില്‍ നടക്കുന്ന ഒരു സൈക്കോ ഹൊറര്‍ ചിത്രം എന്ന സൂചനയാണ് ട്രെയ്‌ലര്‍ നല്‍കുന്നത്. വി.എസ്. അഭിലാഷാണ് ചിത്രം സംവിധാനം ചെയ്യുന്നത്. ഹരിശ്രീ അശോകനും ചിത്രത്തില്‍ ഒരു പ്രധാനകഥാപാത്രമാവുന്നുണ്ട്. യഥാര്‍ത്ഥ ജീവിതത്തില്‍ എന്നപോലെ ഇതിലും അച്ഛനും മകനുമായാണ് അഭിനയിക്കുന്നത്. അതും അവരുടേതായ പേരുകളില്‍ തന്നെ.
നടി ലെനയും വി.എസ്. അഭിലാഷും ചേര്‍ന്ന് തിരക്കഥ ഒരുക്കിയ ചിത്രം നൗഫല്‍ പുനത്തില്‍ ആണ് നിര്‍മിക്കുന്നത്.
ലെന, ബിനു പപ്പു, നോബി മാര്‍ക്കോസ്, സുരേഷ് ചന്ദ്രമേനോന്‍, പൗളി വത്സന്‍ തുടങ്ങിയവരും ചിത്രത്തില്‍ പ്രധാന വേഷങ്ങളില്‍ എത്തുന്നു.
