കംപ്യൂട്ടറുകളോട് 'മുഖംതിരിച്ച്' ട്വിറ്റര്‍; പരാതി പ്രവാഹവുമായി ഉപയോക്താക്കള്‍
ഡൂള്‍ന്യൂസ് ഡെസ്‌ക്
Thursday, 1st July 2021, 9:29 am
ന്യൂദല്‍ഹി: ട്വിറ്റര്‍ ഉപയോഗത്തിന് തടസ്സം നേരിട്ടതായി റിപ്പോര്‍ട്ടുകള്‍. വ്യാഴാഴ്ച രാവിലെ മുതല്‍ ട്വിറ്ററിലെ പല ഫീച്ചറുകളും ഉപയോഗിക്കാന്‍ പറ്റുന്നില്ലെന്നാണ് ഒരു വിഭാഗം ഉപയോക്താക്കള്‍ പറയുന്നത്.
ടൈംലൈന്‍ ലഭിക്കുന്നുണ്ടെങ്കിലും ഫ്രൊഫൈലുകളും പല ത്രഡുകളും ഉപയോഗിക്കാന്‍ പറ്റില്ലെന്നാണ് ഉപയോക്താക്കള്‍ പറയുന്നത്.
ട്വീറ്റുകള്‍ക്ക് മറുപടി കൊടുക്കാന്‍ പറ്റുന്നില്ലെന്നും അതിന് ശ്രമിക്കുമ്പോള്‍
സംമ്തിങ് വെന്റ് റോങ് എന്നാണ് മറുപടിയെന്നും ഉപയോക്താക്കള്‍ സ്‌ക്രീന്‍ഷോട്ട് സഹിതം പറയുന്നു.
ചില ഉപയോക്താക്കള്‍ക്കും പേഴ്‌സണല്‍ കംപ്യൂട്ടറുകളില്‍ ട്വിറ്റര്‍ ആക്‌സസ് ചെയ്യാന്‍ പറ്റുന്നില്ലെന്ന പരാതിയും ഉണ്ട്. എന്നാല്‍ മൊബൈലില്‍ ഉപയോഗിക്കാന്‍ തടസ്സങ്ങള്‍ ഇല്ലെന്നും ഉപയോക്താക്കള്‍ പറയുന്നു.
