ബയോപിക്ക് വന്നാല്‍ ആരായിരിക്കും മഞ്ജുവാര്യര്‍ ആയി അഭിനയിക്കുക?; രസകരമായ മറുപടി നല്‍കി മഞ്ജു വാര്യര്‍
എന്റര്‍ടെയിന്‍മെന്റ് ഡെസ്‌ക്
Friday, 6th August 2021, 4:39 pm
കൊച്ചി: സിനിമ പരാജയപ്പെടുമ്പോള്‍ അതിന് പിന്നിലെന്താണ് കാരണം എന്ന് സ്വയം വിലയിരുത്തി അത് തിരുത്താനുള്ള വഴി നോക്കുമെന്ന് നടി മഞ്ജു വാര്യര്‍.
അല്ലാതെ പരാജയപ്പെട്ടല്ലോ എന്നോര്‍ത്ത് ഇരുന്ന് സങ്കടപ്പെട്ട് സമയം കളയാറില്ലെന്നും മഞ്ജു പറഞ്ഞു. മുമ്പ് റിപ്പോര്‍ട്ടര്‍ ടിവിയ്ക്ക് നല്‍കിയ അഭിമുഖത്തിലാണ് മഞ്ജു ഇക്കാര്യം പറഞ്ഞത്.
നല്ല കഥാപാത്രങ്ങള്‍ മാത്രം ചെയ്യണമെന്ന ആഗ്രഹം മാത്രമെ തനിക്ക് ഉള്ളുവെന്നും മഞ്ജു പറഞ്ഞു. മഞ്ജുവിന്റെ പേരില്‍ ഒരു ബയോപിക്ക് വന്നാല്‍ അതില്‍ ആര് അഭിനയിക്കുന്നതാണ് ഇഷ്ടമെന്ന ചോദ്യത്തിന് താരം നല്‍കിയ മറുപടിയും ആരാധകര്‍ ഏറ്റെടുത്തിരുന്നു.
‘പറ്റുമെങ്കില്‍ ഞാന്‍ തന്നെ അഭിനയിക്കും(ചിരിക്കുന്നു). ഇല്ല. അതൊക്കെ ആഗ്രഹിക്കുന്നത് തന്നെ മണ്ടത്തരമാണ്. ഞാന്‍ ഒരു സാധാരണ പെണ്‍കുട്ടിയാണ്.
