കൊട്ടാരക്കര: കൊട്ടാരക്കര വാളകത്ത് വാഹനങ്ങള്‍ കൂട്ടിയിടിച്ച് തീപിടിച്ചു. ലോറിയും ബസും കൂട്ടിയിടിച്ചാണ് തീപിടിച്ചത്. അപകടത്തില്‍ കെ.എസ്.ആര്‍.ടി.സി ബസ് പൂര്‍ണമായും കത്തി നശിച്ചു.

കോണ്‍ക്രീറ്റ് മിക്‌സിങ് യൂണിറ്റില്‍ ഇടിച്ചതാണ് തീപിടുത്തതിന് കാരണമെന്നാണ് റിപ്പോര്‍ട്ട്.

കിളിമാനൂര്‍ ഡിപ്പോയില്‍ നിന്നുള്ള കെ.എസ്.ആര്‍.ടി.സി ബസിനാണ് തീപിടിച്ചത്. തിരുവനന്തപുരം- കൊട്ടാരക്കര സര്‍വ്വീസ് നടത്തുന്ന സൂപ്പര്‍ഫാസ്റ്റ് ബസാണ് കത്തിനശിച്ചത്.

അപകടത്തില്‍ രണ്ട് യാത്രക്കാര്‍ക്ക് പരുക്കേറ്റിട്ടുണ്ട്. കണ്ടക്ടറുടെ സമയോചിതമായ ഇടപെടല്‍കൊണ്ട് യാത്രക്കാരെ ബസില്‍ നിന്നും ഒഴിപ്പിച്ചതായാണ് വിവരം. തിരുവനന്തപുരം മൂവാറ്റുപുഴ പാതയിലാണ് അപകടമുണ്ടായത്.