തിരുവനന്തപുരം: കല്യാണ്‍ ഡവലപ്പേഴ്‌സ് തിരുവനന്തപുരത്ത് ഭവന പദ്ധതികള്‍ കൃത്യസമയത്ത് പണിപൂര്‍ത്തിയാക്കി താക്കോല്‍ കൈമാറിയതായി കമ്പനി അറിയിച്ചു. എന്‍. എച്ച് ബൈപ്പാസില്‍ വെണ്‍പാലവട്ടത്തുള്ള കല്യാണ്‍ ഗേറ്റ് വേ, ശ്രീവരാഹത്തുള്ള കല്യാണ്‍ ഡിവിനിറ്റി എന്നീ പദ്ധതികളാണ് ഉപയോക്താക്കള്‍ക്ക് കൈമാറിയത്.

തിരുവനന്തപുരത്തെ ഒ ബൈതാമരയിലാണ് കൈമാറ്റ ചടങ്ങ് സംഘടിപ്പിച്ചത്. ഇതോടെ കല്യാണ്‍ഡവലപ്പേഴ്‌സ് കേരളത്തിലെമ്പാടുമായി 15 ഭവന പദ്ധതികള്‍ പണിപൂര്‍ത്തീകരിച്ച് താക്കോല്‍ കൈമാറിയതായി കമ്പനി അറിയിച്ചു. തിരുവനന്തപുരത്ത് മാത്രം അഞ്ച് പദ്ധതികളുടെ പണി പൂര്‍ത്തിയായി.

വെണ്‍പാലവട്ടത്തുള്ള കല്യാണ്‍ ഗേറ്റ് വേയില്‍ 14 നിലകളിലായി 90 2ബി.എച്ച്.കെ, 3ബി.എച്ച്.കെ അപ്പാര്‍ട്ട്‌മെന്റ് യൂണിറ്റുകളാണുള്ളത്. സ്വമ്മിങ് പൂള്‍, ജിം, പാര്‍ട്ടി ഹാള്‍, കുട്ടികള്‍ക്കുള്ള കളിസ്ഥലം തുടങ്ങി ഏറ്റവുംനവീനമായ സൗകര്യങ്ങളാണ് ഇവിടെ ഒരുക്കിയിരിക്കുന്നതെന്ന് കല്യാണ്‍ ഡെവലപ്പേഴ്‌സ് അറിയിച്ചു.

ശ്രീവരാഹത്തുള്ള കല്യാണ്‍ ഡിവിനിറ്റിയില്‍ 11 നിലകളിലായി മനോഹരമായിരൂപകല്‍പന ചെയ്ത 55 2ബിഎച്ച്‌കെ, 3ബിഎച്ച്‌കെ അപ്പാര്‍ട്ട്‌മെന്റ് യൂണിറ്റുകളുണ്ട്. ശ്രീ പത്മനാഭസ്വാമി ക്ഷേത്രത്തിന് വളരെ അടുത്ത് സ്ഥിതി ചെയ്യുന്ന കല്യാണ്‍ ഡിവിനിറ്റിയില്‍ ജിം, പാര്‍ട്ടി ഹാള്‍, കുട്ടികളുടെ കളിസ്ഥലംതുടങ്ങിയ സൗകര്യങ്ങള്‍ ഏര്‍പ്പെടുത്തിയിട്ടുണ്ട്.

ഇന്ത്യയിലെ ഏറ്റവും വിശ്വസ്ത ആഭരണ ബ്രാന്‍ഡുകളിലൊന്നായ കല്യാണ്‍ ജൂവേലഴസിന്റെ സഹോദര സ്ഥാപനമാണ് കല്യാണ്‍ ഡവലപ്പേഴ്‌സ്. തൃശൂര്‍, തിരുവനന്തപുരം, കൊച്ചി, കോഴിക്കോട്, കോട്ടയം എന്നിവിടങ്ങളില്‍ നിലവില്‍കല്യാണ്‍ ഡവലപ്പേഴ്‌സിന് ഭവനപദ്ധതികളുണ്ട്.

കൂടുതല്‍ വിവരങ്ങള്‍ക്ക് 90201 55555 എന്ന നമ്പരില്‍ വിളിക്കുകയോ www.kalyandevelopers.com എന്ന വെബ്‌സൈറ്റ് സന്ദര്‍ശിക്കുകയോ ചെയ്യാമെന്ന് കല്യാണ്‍ ഡെവലപ്പേഴ്‌സ് അറിയിച്ചു.

Content Highlight: Kalyan Developers completes and hands over keys to two projects in Thiruvananthapuram