ഐ.പി.എല്‍ 2024ലെ 38ാം മത്സരം ജയ്പൂരിലെ സവായ് മാന്‍സിങ് സ്റ്റേഡിയത്തില്‍ തുടരുകയാണ്. മത്സരത്തില്‍ മുംബൈ ഇന്ത്യന്‍സാണ് ഹോം ടീമായ രാജസ്ഥാന്‍ റോയല്‍സിന്റെ എതിരാളികള്‍. മത്സരത്തില്‍ ടോസ് നേടി ആദ്യം ബാറ്റ് ചെയ്ത മുംബൈ നിശ്ചിത ഓവറില്‍ ഒമ്പത് വിക്കറ്റ് നഷ്ടത്തില്‍ 179 റണ്‍സാണ് നേടിയത്.
മത്സരത്തില്‍ അര്‍ധ സെഞ്ച്വറിക്ക് പുറമെ ഒരു തകര്‍പ്പന്‍ നേട്ടവും തിലക് വര്‍മ സ്വന്തമാക്കിയിരുന്നു. ഐ.പി.എല്ലില്‍ 1,000 റണ്‍സ് നേടുന്ന താരങ്ങളുടെ പട്ടികയില്‍ ഇടം നേടിയാണ് തിലക് വര്‍മ കയ്യടി നേടിയത്.
ഐ.പി.എല്ലില്‍ കളിച്ച ഇന്നിങ്‌സുകളുടെ അടിസ്ഥാനത്തില്‍ ഏറ്റവും വേഗത്തില്‍ ഈ നേട്ടത്തിലെത്തുന്ന രണ്ടാമത് ഇന്ത്യന്‍ താരമെന്ന നേട്ടവും നേരിട്ട പന്തുകളുടെ അടിസ്ഥാനത്തില്‍ ഏറ്റവും വേഗത്തില്‍ ഈ നേട്ടത്തിലെത്തുന്ന അഞ്ചാമത് താരം എന്ന നേട്ടവും ഇതോടെ തിലക് വര്‍മ സ്വന്തമാക്കിയിരുന്നു.
ഐ.പി.എല്ലിന്റെ ചരിത്രത്തില്‍ 40+ ശരാശരിയിലും 140.00+ സ്‌ട്രൈക്ക് റേറ്റിലും 1,000 റണ്‍സ് പൂര്‍ത്തിയാക്കുന്ന ഏക താരം എന്ന നേട്ടമാണ് താരം സ്വന്തമാക്കിയത്. 41.60 എന്ന ശരാശരിയിലും 146.50 എന്ന സ്‌ട്രൈക്ക് റേറ്റിലുമാണ് താരം സ്‌കോര്‍ ചെയ്യുന്നത്.
മുംബൈ ഇന്ത്യന്‍സിനൊപ്പം മികച്ച പ്രകടനം നടത്തുന്ന തിലക്, ഇന്ത്യയുടെ ഭാവി താരങ്ങളിലൊരാളായാണ് വിലയിരുത്തപ്പെടുന്നത്.
Content Highlight: IPL 2024: MI vs RR: Tilak Varma is the only batter to score 1,000 runs with 40+ average and 140+ strike rate
