"യെന്റെ പൊന്നോ... മതിയായി, തൃപ്തിയായി"; ഇന്ത്യന്‍ താരങ്ങളെ ഇനി പ്രകോപിപ്പിക്കില്ലെന്ന് ജോ റൂട്ട്
സ്പോര്‍ട്സ് ഡെസ്‌ക്
Tuesday, 24th August 2021, 2:33 pm
ലീഡ്‌സ്: ഇന്ത്യന്‍ താരങ്ങളെ ഇനി പ്രകോപിപ്പിക്കില്ലെന്ന് ഇംഗ്ലണ്ട് ക്യാപ്റ്റന്‍ ജോ റൂട്ട്. ഇന്ത്യയ്‌ക്കെതിരായ മൂന്നാം ടെസ്റ്റിന് മുന്നോടിയായാണ് റൂട്ടിന്റെ പ്രതികരണം.
‘കളിയുമായി ബന്ധപ്പെട്ട് ഇത്തരം നാടകീയ സംഭവങ്ങള്‍ പതിവാണ്. മത്സരത്തെ മുന്‍കൂട്ടി പദ്ധതിയിടുന്ന വിധത്തില്‍ തന്നെ സമീപിക്കാനാണ് ശ്രമിക്കുക. ഏറ്റവും മികച്ച പ്രകടനം തന്നെയാണ് ലക്ഷ്യം. സത്യസന്ധമല്ലാത്ത ഒന്നിലേക്കും ശ്രദ്ധ മാറാതിരിക്കാന്‍ ശ്രദ്ധ ചെലുത്തും,’ റൂട്ട് പറഞ്ഞു.
വ്യക്തികളെന്ന നിലയിലും ടീമെന്ന നിലയിലും സ്വാഭാവികമായ പ്രകടനം പുറത്തെടുക്കുന്നതിനാണ് പ്രാമുഖ്യം നല്‍കുകയെന്നും റൂട്ട് കൂട്ടിച്ചേര്‍ത്തു.
കഴിഞ്ഞ ടെസ്റ്റില്‍നിന്ന് തങ്ങള്‍ ചില പാഠങ്ങള്‍ പഠിച്ചിട്ടുണ്ടെന്നും അദ്ദേഹം പറഞ്ഞു.
