ചെന്നൈ: മലയാളത്തിന് പിന്നാലെ തമിഴിലേക്ക് ചുവട് വെയ്ക്കാനൊരുങ്ങുകയാണ് ക്രിക്കറ്റ് താരം ശ്രീശാന്ത്. ഹൊറര്‍ കോമഡിയായി ഒരുങ്ങുന്ന ചിത്രത്തിലാണ് താരം നായകനാവുന്നത്.
ഹരിശങ്കര്‍, ഹരീഷ് നാരായണന്‍ എന്നിവര്‍ ചേര്‍ന്ന് സംവിധാനം ചെയ്യുന്ന ചിത്രത്തില്‍ ഹന്‍സികയാണ് നായികയാവുന്നത്. ഈ വര്‍ഷം അവസാനത്തോടെയാണ് ചിത്രം ആരംഭിക്കുക.
തമിഴിലെ ആദ്യ 3 ഡി ചിത്രമായ ആമ്പുലിയുടെ സംവിധായകരാണ് ഹരി ശങ്കറും ഹരീഷ് നാരായണും. നേരത്ത ഹിന്ദിയില്‍ രണ്ടും മലയാളത്തിലും കന്നഡയിലും ഓരോ ചിത്രത്തിലും ശ്രീശാന്ത് അഭിനയിച്ചിരുന്നു.
അതേസമയം ഐ.പി.എല്ലില്‍ ഒത്തുകളിയാരോപിച്ച് ശ്രീശാന്തിന് ബി.സി.സി.ഐ ഏര്‍പ്പെടുത്തിയ ആജീവനാന്ത വിലക്ക് സുപ്രീംകോടതി റദ്ദാക്കിയിരുന്നു.
