ചൈനയുടെ അതിരുകടക്കുന്ന ഇന്റര്‍നെറ്റ് പൊലീസിങ്; സ്വവര്‍ഗാനുരാഗികള്‍ക്കുള്ള ഡേറ്റിങ് ആപ്പ് നീക്കം ചെയ്തു
ഡൂള്‍ന്യൂസ് ഡെസ്‌ക്
Tuesday, 1st February 2022, 11:26 am
ബീജിങ്: എല്‍.ജി.ബി.ടി.ക്യു കമ്യൂണിറ്റിയുടെ അവകാശങ്ങള്‍ക്ക് മേല്‍ വീണ്ടും നിയന്ത്രണമേര്‍പ്പെടുത്തി ചൈനീസ് സര്‍ക്കാര്‍.
ചൈനയില്‍ സ്വവര്‍ഗാനുരാഗികള്‍ക്കുള്ള ഡേറ്റിങ് ആപ്പ്, ആപ്പ് സ്റ്റോറുകളില്‍ നിന്നും നീക്കം ചെയ്തു. ഡേറ്റിങ് ആപ്പ് ഗ്രിന്‍ഡ്ര്‍ ആണ് വിവിധ ആപ്പ് സ്റ്റോറുകളില്‍ നിന്നും അപ്രത്യക്ഷമായിരിക്കുന്നത്.
സ്വവര്‍ഗാനുരാഗം 1997ല്‍ ചൈനയില്‍ ഡീക്രിമിനലൈസ് ചെയ്തിട്ടുണ്ട്. എന്നാല്‍ സ്വവര്‍ഗ വിവാഹങ്ങള്‍ നിയമവിരുദ്ധമായി തന്നെ തുടരുകയാണ്.
ആപ്പിളിന്റെ ചൈനയിലെ ആപ്പ് സ്റ്റോറില്‍ നിന്നും ഗ്രിന്‍ഡ്ര്‍ ആപ്പ് അതിന്റെ ഡെവലപ്പേഴ്‌സ് നീക്കം ചെയ്തതായി ആപ്പിള്‍ അറിയിച്ചു.
സംഭവത്തില്‍ ഗ്രിന്‍ഡ്ര്‍ ആപ്പ് അധികൃതര്‍ ഇതുവരെ പ്രതികരിച്ചിട്ടില്ല.
