ക്രാന്തി മൈതാനത്തേക്ക് വരൂ, ഞാനുണ്ടാവും അവിടെയെന്ന് ഫര്‍ഹാന്‍ അക്തര്‍; 'സോഷ്യല്‍ മീഡിയയിലെ പ്രക്ഷോഭത്തിന്റെ സമയം കഴിഞ്ഞു'
ഡൂള്‍ന്യൂസ് ഡെസ്‌ക്
Wednesday, 18th December 2019, 2:26 pm
പൗരത്വ നിയമത്തിനെതിരെ പ്രതിഷേധിക്കാന്‍ മുംബൈയിലെ ആഗസ്ത് കാന്ത്രി മൈതാനത്തേക്ക് വരാന്‍ ആഹ്വാനം ചെയ്ത് നടനും സംവിധായകനുമായ ഫര്‍ഹാന്‍ അക്തര്‍. ഡിസംബര്‍ 19നാണ് ക്രാന്തി മൈതാനിയില്‍ പ്രക്ഷോഭം നടക്കുന്നത്.
ട്വിറ്ററിലൂടെയാണ് ഫര്‍ഹാന്‍ അക്തര്‍ പ്രക്ഷോഭത്തിന് ക്ഷണിച്ചുകൊണ്ടുള്ള ആഹ്വാനം നടത്തിയത്. സോഷ്യല്‍ മീഡിയയിലൂടെമാത്രമുള്ള പ്രക്ഷോഭത്തിന്റെ സമയം കഴിഞ്ഞെന്നും ഫര്‍ഹാന്‍ അക്തര്‍ കുറിച്ചു.
നേരത്തെ ജാമിഅ മില്ലിയ സര്‍വ്വകലാശാലയിലെ വിദ്യാര്‍ത്ഥികള്‍ക്ക് നേരെ പൊലീസ് അക്രമം ഉണ്ടായപ്പോഴും ഫര്‍ഹാന്‍ അക്തര്‍ വിമര്‍ശനം നടത്തിയിരുന്നു.
