എറണാകുളത്ത് ടി.ജെ വിനോദിനും അപരനുണ്ടായിരുന്നു; അപരന്‍മാര്‍ മോഹന്‍കുമാറിനും കമറുദ്ദീനും കൂടെ
ഡൂള്‍ന്യൂസ് ഡെസ്‌ക്
Friday, 25th October 2019, 9:31 am
എറണാകുളം ഉപതെരഞ്ഞെടുപ്പില്‍ യു.ഡി.എഫ് സ്ഥാനാര്‍ത്ഥി ടി.ജെ വിനോദ് വിജയിച്ചത് 3750 വോട്ടുകള്‍ക്കാണ്. രണ്ടാം സ്ഥാനത്തെത്തിയ എല്‍.ഡി.എഫ് സ്ഥാനാര്‍ത്ഥി മനു റോയിയുടെ അപരന്‍ മനു.കെ.എം 2572 വോട്ടാണ് പിടിച്ചത്. ഈ വോട്ടാണ് മനുവിന്റെ വിജയം തടഞ്ഞതെന്ന് എല്‍.ഡി.എഫ് പ്രവര്‍ത്തകര്‍ പറയുന്നു.
എന്നാല്‍ മനുവിന് മാത്രമായിരുന്നില്ല അപരന്‍മാരുണ്ടായിരുന്നത്. എറണാകുളത്ത് വിജയിച്ച ടി.ജെ വിനോദിനും മറ്റ് യു.ഡി.എഫ് സ്ഥാനാര്‍ത്ഥികളായ കെ. മോഹന്‍കുമാറിനും എം.സി കമറുദ്ദീനും അപരന്‍മാരുണ്ടായിരുന്നു.
