'നീ വിളിച്ചാല്‍ ചിലപ്പോള്‍ എടുക്കില്ല, അത് ഭയങ്കര വിഷമമാവുമെഡോ എന്ന് വിനായകന്‍ ചേട്ടന്‍ പറഞ്ഞു'
എന്റര്‍ടെയിന്‍മെന്റ് ഡെസ്‌ക്
Tuesday, 15th August 2023, 8:22 pm
സിനിമ ഇന്‍ഡസ്ട്രിയില്‍ തനിക്ക് കണക്ഷനുള്ള ഒരു വ്യക്തിയാണ് വിനായകന്‍ എന്ന് നടന്‍ ദേവ് മോഹന്‍. എന്നാല്‍ അദ്ദേഹത്തിന്റെ നമ്പര്‍ തന്റെ കയ്യിലില്ലെന്നും വിളിച്ചാല്‍ എടുക്കാത്തതുകൊണ്ടാണ് അദ്ദേഹം നമ്പര്‍ നല്‍കാത്തതെന്നും ഒരു അഭിമുഖത്തില്‍ ദേവ് പറഞ്ഞു.
‘വിനായകന്‍ ചേട്ടനും ഞാനും തമ്മില്‍ നല്ല കണക്ഷന്‍ ഉണ്ട്. പക്ഷേ അദ്ദേഹത്തിന്റെ നമ്പര്‍ എന്റെ കയ്യില്‍ ഇല്ല. ഫോണ്‍ ചിലപ്പോള്‍ എടുക്കാന്‍ തോന്നാറില്ലെന്നാണ് അതിന് വിനായകന്‍ ചേട്ടന്‍ പറഞ്ഞത്. പിന്നെ അത് വിഷമമാവും.
നമ്പര്‍ സേവ് ചെയ്ത് കഴിഞ്ഞ് വിളിക്കുമ്പോള്‍ എടുക്കാന്‍ ചിലപ്പോള്‍ മൂഡുണ്ടാവില്ല, പക്ഷേ അതെനിക്ക് ഭയങ്കര വിഷമമാവുമെഡോ എന്ന് വിനായകന്‍ ചേട്ടന്‍ പറഞ്ഞു. അതുകൊണ്ട് നമ്പര്‍ വേണ്ട,’ ദേവ് മോഹന്‍ പറഞ്ഞു.
