ഉസൈന്‍ ബോള്‍ട്ടിന്റെ മോട്ടിവേഷന്‍ വീഡിയോയില്‍ ടൊവിനോ തോമസിന്‍റെ ബി.ജി.എം; സന്തോഷം പങ്കുവെച്ച് സംഗീത സംവിധായകന്‍
എന്റര്‍ടെയിന്‍മെന്റ് ഡെസ്‌ക്
Friday, 22nd January 2021, 12:34 pm
ലോകമെമ്പാടും ആരാധകരുള്ള അത്‌ലറ്റാണ് ഉസൈന്‍ ബോള്‍ട്. നൂറ് മീറ്റര്‍ ഓട്ടത്തില്‍ ഉസൈന്‍ ബോള്‍ട്ട് തീര്‍ത്ത ലോക റെക്കോര്‍ഡ് ഇതുവരെ ആരും തിരുത്തിയിട്ടില്ല.
തന്റെ ആരാധകര്‍ക്കായി വിഡിയോകളും ഉസൈന്‍ ബോള്‍ട്ട് പങ്കുവെയ്ക്കാറുണ്ട്. ഇപ്പോഴിതാ മലയാളത്തിലെ ഒരു ബി.ജി.എം ഉപയോഗിച്ച് ഒരു മോട്ടിവേഷണല്‍ വീഡിയോ പങ്കുവെച്ചിരിക്കുകയാണ് ഉസൈന്‍ ബോള്‍ട്ട്.
ടൊവിനോ തോമസ് നായകനായ കല്‍ക്കി എന്ന സിനിമയിലെ ബി.ജി.എം ആണ് ഉസൈന്‍ ബോള്‍ട്ട് വീഡിയോയില്‍ ഉപയോഗിച്ചിരിക്കുന്നത്. ജീവിതം ഒരു യാത്രയാണ്, നിങ്ങള്‍ നിങ്ങളില്‍ തന്നെ വിശ്വസിക്കുക എന്ന അടികൂറിപ്പോടെയാണ് ഉസൈന്‍ ബോള്‍ട് വീഡിയോ പങ്കുവെച്ചത്.
