ഞങ്ങള്‍ ഒരു പ്രത്യേക സമുദായത്തിന് എതിരല്ല; പടക്ക നിരോധനം പൗരന്മാരുടെ ജീവിക്കാനുള്ള അവകാശം സംരക്ഷിക്കാനെന്ന് സുപ്രീംകോടതി
ഡൂള്‍ന്യൂസ് ഡെസ്‌ക്
Friday, 29th October 2021, 8:42 am
ന്യൂദല്‍ഹി: പടക്കങ്ങള്‍ക്ക് നിരോധനം ഏര്‍പ്പെടുത്തുന്നത് ഏതെങ്കിലും പ്രത്യേക സമുദായത്തെ ലക്ഷ്യം വെച്ചല്ലെന്ന് സുപ്രീംകോടതി.
ദല്‍ഹിയിലും രാജ്യത്തിന്റെ മറ്റ് ഭാഗങ്ങളിലും പടക്കങ്ങള്‍ നിരോധിച്ചത് ഒരു പ്രത്യേക സമുദായത്തെ ലക്ഷ്യംവെച്ചല്ലെന്നും പൗരന്മാരുടെ ജീവിക്കാനുള്ള അവകാശം സംരക്ഷിക്കുന്നതിനുവേണ്ടിയാണെന്നുമാണ് സുപ്രീകോടതി പറഞ്ഞത്.
വ്യാജ പച്ച പടക്കങ്ങള്‍ വില്‍ക്കുന്ന പടക്ക നിര്‍മ്മാതാക്കളെയും ജസ്റ്റിസുമാരായ എം.ആര്‍. ഷാ, എ.എസ്. ബൊപ്പണ്ണ എന്നിവരടങ്ങിയ ബെഞ്ച് രൂക്ഷമായി വിമര്‍ശിച്ചു. ജനങ്ങളുടെ അവകാശങ്ങള്‍ സംരക്ഷിക്കേണ്ടതുണ്ടെന്നും വ്യാജ പടക്കങ്ങള്‍ വില്‍ക്കുന്ന നിര്‍മ്മാതാക്കളെക്കുറിച്ച് സി.ബി.ഐ അന്വേഷണത്തിന് ഉത്തരവിടാന്‍ സാധിക്കുമെന്നും കോടതി പറഞ്ഞു.
