പഞ്ചാബ് കോണ്‍ഗ്രസിലെ വിള്ളല്‍ ആം ആദ്മിക്ക് വളമാക്കാനൊരുങ്ങി കെജ്‌രിവാള്‍
ഡൂള്‍ന്യൂസ് ഡെസ്‌ക്
Thursday, 30th September 2021, 10:03 am
ലുധിയാന: പഞ്ചാബ് കോണ്‍ഗ്രസിലെ പ്രതിസന്ധി മുതലെടുക്കാന്‍ തന്ത്രങ്ങളുമായി ആംആദ്മി അധ്യക്ഷനും ദല്‍ഹി മുഖ്യമന്ത്രിയുമായ അരവിന്ദ് കെജ്‌രിവാള്‍. നിലവില്‍ പഞ്ചാബിലാണ് കെജ്‌രിവാള്‍ ഉള്ളത്.
പഞ്ചാബില്‍ നടക്കുന്ന കാര്യങ്ങള്‍ നിര്‍ഭാഗ്യകരമാണെന്നും വെറും ‘ തമാശ’യിലേക്കെത്തിയെന്നും അദ്ദേഹം പറഞ്ഞു.
അമരീന്ദര്‍ സിംഗ് നല്‍കിയ വാഗ്ദാനങ്ങള്‍ നിലവിലെ പഞ്ചാബ് മുഖ്യമന്ത്രി നിറവേറ്റുകയും അഴിമതിക്കാരായ മന്ത്രിമാര്‍, എം.എല്‍.എമാര്‍, ഉദ്യോഗസ്ഥര്‍ എന്നിവര്‍ക്കെതിരെ പ്രവര്‍ത്തിക്കുകയും വേണമെന്നും കെജ്‌രിവാള്‍ പറഞ്ഞു.
ആംആദ്മിക്ക് മാത്രമെ പഞ്ചാബില്‍ സ്ഥിരതയുള്ള സര്‍ക്കാര്‍ ഉണ്ടാക്കാന്‍ കഴിയുമെന്നാണ് കെജ് രിവളിന്റെ അവകാശ വാദം.
