ഇന്ത്യന്‍ വ്യോമസേനയുടെ എ.എന്‍-32 സഞ്ചാര വിമാനം കാണാതായി; വിമാനത്തിലുണ്ടായിരുന്നത് അഞ്ചു യാത്രക്കാരുള്‍പ്പടെ 13 പേര്‍
ഡൂള്‍ന്യൂസ് ഡെസ്‌ക്
Monday, 3rd June 2019, 5:31 pm
ന്യൂദല്‍ഹി: ഇന്ത്യന്‍ വ്യോമസേനയുടെ എ.എന്‍-32 സഞ്ചാര വിമാനവുമായുള്ള ബന്ധം നഷ്ടപ്പെട്ടു. അസമിലെ ജോര്‍ഹത്തില്‍ നിന്ന് ഉച്ചയ്ക്ക് 12:25 ഓടെ പുറപ്പെട്ട വിമാനം കാണാതാവുന്നത് അരുണാചല്‍ പ്രദേശില്‍ വെച്ചാണ്.
‘ഉച്ചയ്ക്ക് ഒരു മണിയോടെയാണ് പ്രതല കേന്ദ്രവും വിമാനവും തമ്മിലുള്ള ബന്ധം നഷ്ടപ്പെട്ടത്. അതിന് ശേഷം പിന്നീട് വിമാനത്തെക്കുറിച്ച് ഒരു വിവരവും ലഭിച്ചിട്ടില്ല. വിമാനം എയര്‍ഫീല്‍ഡില്‍ എത്താത്തതിനാല്‍ വേണ്ട നടപടിക്രമങ്ങള്‍ ആരംഭിച്ചിട്ടുണ്ട്’- ഇന്ത്യന്‍ എയര്‍ ഫോഴ്‌സുമായി അടുത്ത വൃത്തങ്ങള്‍ പറഞ്ഞതായി ദ ഹിന്ദു റിപ്പോര്‍ട്ടു ചെയ്യുന്നു.
