അമിതാഭ് ബച്ചന്റെയും അക്ഷയ് കുമാറിന്റെയും കോലം കത്തിച്ച് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Sunday, 10th April 2022, 4:34 pm
ഭോപ്പാല്‍: ബോളിവുഡ് നടന്‍മാരായ അമിതാഭ് ബച്ചന്റെയും അക്ഷയ് കുമാറിന്റെയും കോലം കത്തിച്ച് മധ്യപ്രദേശ് കോണ്‍ഗ്രസ്. ഇന്ധന വില വര്‍ധനവില്‍ പ്രതിഷേധിക്കുന്നില്ലെന്ന് ചൂണ്ടിക്കാട്ടിയാണ് കോണ്‍ഗ്രസ് പ്രവര്‍ത്തകര്‍ ഇവര്‍ക്കെതിരെ പ്രതിഷേധിച്ചത്.
കോണ്‍ഗ്രസ് ഭരിക്കുന്ന സമയത്ത് ഇന്ധന വില വര്‍ധനവിനെതിരെ രംഗത്തുവന്ന അക്ഷയ് കുമാറും ബച്ചനും ബി.ജെ.പി ഭരണത്തിന് കീഴില്‍ ഇന്ധന വില കൂടുമ്പോള്‍ നിശബ്ദത പാലിക്കുകയാണെന്നും സാധാരണക്കാരന്റെ കാര്യത്തില്‍ ആശങ്കയൊന്നും ഇല്ലെന്നും കോണ്‍ഗ്രസ് പറഞ്ഞു.
