ടൈറ്റാനിക്കിലൂടെ ശ്രദ്ധ നേടിയ നടന്‍ ലെവ് പാള്‍ട്ടര്‍ അന്തരിച്ചു
എന്റര്‍ടെയിന്‍മെന്റ് ഡെസ്‌ക്
Tuesday, 27th June 2023, 8:08 am
ലോസ് ആഞ്ചലസ്: ഹോളിവുഡ് നടന്‍ ലെവ് പാള്‍ട്ടര്‍ അന്തരിച്ചു. ശ്വാസകോശ അര്‍ബുദത്തെ തുടര്‍ന്ന് മെയ് 21ന് ലോസ് ആഞ്ചലസിലെ വസതിയില്‍ വെച്ചാണ് അന്ത്യം സംഭവിച്ചത്. അദ്ദേഹത്തിന്റെ മകള്‍ കാതറിന്‍ പാള്‍ട്ടറാണ് ഈ വിവരം തിങ്കളാഴ്ച മാധ്യമങ്ങളോട് പങ്കുവെച്ചത്. 94 വയസായിരുന്നു.
1967 മുതല്‍ പാള്‍ട്ടര്‍ അഭിനയ രംഗത്തുണ്ടായിരുന്നു. ജെയിംസ് കാമറൂണ്‍ ചിത്രം ടൈറ്റാനിക്കിലെ ഇസിഡോര്‍ സ്‌ട്രോസ് എന്ന കഥാപാത്രത്തിലൂടെയാണ് സിനിമാ ലോകത്ത് പാള്‍ട്ടര്‍ അറിയപ്പെടുന്നത്. യഥാര്‍ത്ഥ ടൈറ്റാനിക്കിലെ യാത്രികനായ ബിസിനസുകാരനായിരുന്നു സ്‌ട്രോസ്.
