രാജ്യസഭാ ഉപതെരഞ്ഞെടുപ്പ്; കോണ്‍ഗ്രസ് സ്ഥാനാര്‍ത്ഥിയായി അഭിഷേക് സിങ്‌വി നാമനിര്‍ദ്ദേശപത്രിക സമര്‍പ്പിച്ചു
ഡൂള്‍ന്യൂസ് ഡെസ്‌ക്
Monday, 19th August 2024, 5:03 pm
തെലങ്കാന: രാജ്യസഭാ ഉപതെരഞ്ഞെടുപ്പില്‍ തെലങ്കാനയില്‍ നിന്ന് കോണ്‍ഗ്രസ് പാര്‍ട്ടി സ്ഥാനാര്‍ത്ഥിയായി അഭിഷേക് സിങ്‌വി മത്സരിക്കുമെന്ന് പാര്‍ട്ടി നേതൃത്വം. ഇന്ത്യയിലെ മുതിര്‍ന്ന അഭിഭാഷകനും കോണ്‍ഗ്രസ് നേതാവുമായ അഭിഷേക് സിങ്‌വി ഇന്ന് നാമനിര്‍ദ്ദേശ പത്രിക സമര്‍പ്പിച്ചു.
ഇതിനു പിന്നാലെ തിങ്കളാഴച രാവിലെ അഭിഷേക് സിങ്‌വി കോണ്‍ഗ്രസ് പാര്‍ട്ടി എം.എല്‍.എമാരുമായി കൂടിക്കാഴ്ച നടത്തി.
ഞായറാഴ്ച ഹൈദരാബാദിലെ ഷെറാട്ടണ്‍ ഹോട്ടലില്‍ നടന്ന സി.എല്‍.പി യോഗത്തിലാണ് സിങ്‌വിയുടെ സ്ഥാനാര്‍ത്ഥിത്വവുമായി ബന്ധപ്പെട്ട തീരുമാനമെടുത്തത്. സെപ്തംബര്‍ മൂന്നിനാണ് രാജ്യസഭാ ഉപതെരഞ്ഞെടുപ്പെന്നാണ് തെരഞ്ഞെടുപ്പ് കമ്മീഷന്‍ അറിയിച്ചത്.
