ബി.ജെ.പിയുടെ യഥാര്‍ത്ഥ മുഖം തുറന്നുകാട്ടാന്‍ ആം ആദ്മിയുടെ സര്‍വേ
ഡൂള്‍ന്യൂസ് ഡെസ്‌ക്
Friday, 22nd April 2022, 8:44 am
ന്യൂദല്‍ഹി: ബി.ജെ.പിയുടെ യഥാര്‍ത്ഥ മുഖം തുറന്നുകാട്ടാന്‍ ആം ആദ്മി പാര്‍ട്ടി ഒരു സര്‍വേ നടത്തുമെന്ന് എ.എ.പി നേതാവ് അതിഷി. ബി.ജെ.പി വിദ്വേഷവും മതാന്ധതയും കലാപവും രാജ്യത്തുടനീളം പടര്‍ത്തുകയാണെന്ന് അംഗീകരിക്കുന്നുണ്ടോ എന്നത് ജനങ്ങളോട് ചോദിക്കുമെന്നും അവര്‍ പറഞ്ഞു. ബി.ജെ.പിയെക്കുറിച്ചും ആം ആദ്മിയെക്കുറിച്ചുമുള്ള അഭിപ്രായവും ജനങ്ങളോട് ചോദിക്കും.
”രാജ്യത്തിന് ഇന്ന് രണ്ട് വഴികള്‍ മാത്രമേ അവശേഷിക്കുന്നുള്ളൂ” എന്നതിനാലാണ് സര്‍വേ നടത്തുന്നതെന്ന് അതിഷി പറഞ്ഞു.
