ഇടുക്കിയില്‍ അയല്‍ക്കാര്‍ തമ്മിലുള്ള സംഘര്‍ഷത്തിനിടെ 75 കാരനെ കോടാലികൊണ്ട് തല്ലിക്കൊന്നു
ഡൂള്‍ന്യൂസ് ഡെസ്‌ക്
Sunday, 18th October 2020, 1:03 pm
തൊടുപുഴ: ഇടുക്കി കമ്പംമേട്ടില്‍ അയല്‍ക്കാര്‍ തമ്മിലുള്ള സംഘര്‍ഷത്തിനിടെ 75കാരന്‍ കൊല്ലപ്പെട്ടു. നെടുങ്കണ്ടം സ്വദേശി രാമഭദ്രനാണ് മരിച്ചത്.
മദ്യപാനത്തിനിടെയുണ്ടായ തര്‍ക്കത്തെത്തുടര്‍ന്നാണ് അയല്‍വാസികള്‍ തമ്മില്‍ സംഘര്‍ഷമുണ്ടായത്. തുടര്‍ന്ന് രാമഭന്ദ്രനെ കോടാലി കൊണ്ട് അടിച്ചുകൊല്ലുകയായിരുന്നു. ജോര്‍ജുകുട്ടി എന്നയാളാണ് വൃദ്ധനെ ക്രൂരമായി മര്‍ദ്ദിച്ചത്.
ശനിയാഴ്ച രാത്രിയാണ് സംഭവം നടന്നത്. പ്രതിയായ ജോര്‍ജുകുട്ടിയുടെ വീട്ടില്‍ വെച്ചായിരുന്നു സംഘര്‍ഷം. മദ്യലഹരിയിലായിരുന്ന ഇരുവരും തമ്മില്‍ തര്‍ക്കത്തിലാവുകയും ഇത് കൊലപാതകത്തിലേക്ക് എത്തുകയുമായിരുന്നു.
