പെണ്‍കുട്ടിയുടെ കൂടെ നടന്നതിന് പത്താംക്ലാസ് വിദ്യാര്‍ത്ഥിയെ മര്‍ദിച്ച സംഭവം; ബാലാവകാശ കമ്മീഷന്‍ കേസെടുത്തു; ആളുമാറിയതെന്ന് വിശദീകരണം
ഡൂള്‍ന്യൂസ് ഡെസ്‌ക്
Tuesday, 2nd March 2021, 6:02 pm
കണ്ണൂര്‍: പെണ്‍കുട്ടിക്ക് ഒപ്പം നടന്നതിന് പത്താംക്ലാസ് വിദ്യാര്‍ത്ഥിയെ ഓട്ടോ ഡ്രൈവര്‍ മര്‍ദിച്ച സംഭവത്തില്‍ ബാലാവകാശ കമ്മീഷന്‍ കേസെടുത്തു. പാനൂര്‍ മുത്താറിപ്പീടികയില്‍ ഓട്ടോറിക്ഷാ ഡ്രൈവര്‍ ജിനീഷിനെതിരെയാണ് ബാലാവകാശ കമ്മീഷന്‍ കേസ് എടുത്തത്.
കമ്മീഷന്‍ ചെയര്‍മാന്‍ കെ.വി. മനോജിന്റെ നിര്‍ദേശപ്രകാരമാണ് കേസ്. സംഭവത്തില്‍ പാനൂര്‍ പൊലീസും കേസെടുത്തിട്ടുണ്ട്. മോഡല്‍ പരീക്ഷ കഴിഞ്ഞ് സഹപാഠിയായ പെണ്‍കുട്ടിക്കൊപ്പം റോഡിലൂടെ നടന്നു പോകുകയായിരുന്ന വിദ്യാര്‍ത്ഥിയെ ജിനീഷ് നടുറോഡിലിട്ട് മര്‍ദിക്കുകയായിരുന്നു.
