കുമ്പള: പൗരത്വ ഭേദഗതി നിയമത്തെത്തുടര്‍ന്നു നാല്‍പ്പതുവര്‍ഷം മുന്‍പു നാടുവിട്ടയാള്‍ പൗരത്വം തെളിയിക്കാനായി രേഖകള്‍ തേടി നാട്ടിലെത്തി. കാസര്‍കോട്ടെ കുമ്പള ബംബ്രാണയിലെ മുസ്‌ലിയാര്‍വളപ്പില്‍ യൂസുഫ് എന്ന 69-കാരനാണു കഴിഞ്ഞ ദിവസം രേഖകള്‍ തേടിയെത്തിയതെന്ന് മാധ്യമം റിപ്പോര്‍ട്ട് ചെയ്തു.
ബംബ്രാണയിലെ പരമ്പരാഗത കര്‍ഷക കുടുംബത്തില്‍ ജനിച്ച യൂസുഫ് വിവാഹശേഷം ജോലി തേടി മുംബൈയ്ക്കു പോയതായിരുന്നു. പിന്നീട് തമിഴ്‌നാട്ടിലെത്തി. കുറച്ചുകാലം കഴിഞ്ഞപ്പോള്‍ ആലുവയിലെത്തി മറ്റൊരു വിവാഹം കഴിച്ച് അവിടെ താമസിച്ചു.
അതിനുശേഷം ഇപ്പോഴാണ് അദ്ദേഹം നാട്ടിലെത്തുന്നത്. കേന്ദ്ര സര്‍ക്കാര്‍ പൗരത്വ ഭേദഗതി നിയമം കൊണ്ടുവന്നതോടെ, കുടുംബത്തിനു പൗരത്വ രേഖകള്‍ ആവശ്യമായി വരും എന്നായതോടെ മക്കളാണ് അദ്ദേഹത്തില്‍ സമ്മര്‍ദം ചെലുത്തിത്തുടങ്ങിയത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
വര്‍ഷങ്ങള്‍ക്കു മുന്‍പു നാടുവിട്ടുപോയ യൂസുഫിന്, സ്വന്തം നാട്ടിലെത്തി ബന്ധുക്കളെ അഭിമുഖീകരിക്കാന്‍ കഴിയില്ലെന്നു വന്നതോടെ മകന്‍ തന്‍സീര്‍ ആ ഉത്തരവാദിത്വം ഏറ്റെടുത്തു. നാലുദിവസം മുന്‍പാണ് തന്‍സീര്‍ ബംബ്രാണയിലെത്തിയത്. ബംബ്രാണ ജമാഅത്ത് പള്ളിക്കരികിലെത്തി അന്വേഷിച്ചു വീട് കണ്ടുപിടിച്ചു.
