ന്യൂദല്‍ഹി: ഭരണകൂടത്തിന്റെ വൃത്തികെട്ട തന്ത്രങ്ങള്‍ക്കും വിധേയത്വമുള്ള തെരഞ്ഞെടുപ്പ് കമ്മീഷനുമെതിരെ അര്‍ഹിച്ച വിജയമാണ് ആം ആദ്മി നേടിയതെന്ന് സ്വരാജ് ഇന്ത്യ പ്രസിഡന്റ് യോഗേന്ദ്ര യാദവ്.
‘ ഭരണകൂടത്തിന്റെ വൃത്തികെട്ട തന്ത്രങ്ങള്‍ക്കും വിധേയത്വമുള്ള തെരഞ്ഞെടുപ്പ് കമ്മീഷനുമെതിരെ അര്‍ഹിച്ച വിജയം നേടിയ ആം ആദ്മിക്ക് അഭിനന്ദനങ്ങള്‍”, അദ്ദേഹം ട്വിറ്ററില്‍ കുറിച്ചു.
ദല്‍ഹി നിയമസഭാ തെരഞ്ഞെടുപ്പില്‍ ആം ആദ്മി പാര്‍ട്ടി വന്‍ വിജയം കൈവരിച്ചപ്പോള്‍ അടുത്ത കാലത്തെ കനത്ത പരാജയമാണ് ബി.ജെ.പി ദല്‍ഹിയില്‍ നേരിട്ടത്. ലോക്‌സഭാ തെരഞ്ഞെടുപ്പിനെക്കാള്‍ 17 ശതമാനം വോട്ടിന്റെ കുറവാണ് ബി.ജെ.പിക്ക് ഈ തെരഞ്ഞെടുപ്പില്‍ ഉണ്ടായത്.
