'എല്ലാ വഴികളും അടഞ്ഞു, ഇനി നീ മാത്രമാണ് രക്ഷ'; കളിക്കാരെ നിരാശയില്‍ നിന്നും കരകയറ്റാന്‍ മുന്‍ താരത്തെ ഇറക്കി സാവി
സ്പോര്‍ട്സ് ഡെസ്‌ക്
Thursday, 20th October 2022, 7:40 pm
തുടര്‍ച്ചയായ മോശം പെര്‍ഫോമന്‍സുകളും പരാജയങ്ങളും കൊണ്ട് ആകെ തകര്‍ന്നിരിക്കുകയാണ് ബാഴ്‌സലോണ. റോബര്‍ട്ട് ലെവന്‍ഡോസ്‌കിയും റഫീനിയയും ജൂള്‍ കൊന്തേയുമടക്കമുള്ള വമ്പന്മാരെ വരെ ടീമിലേക്ക് കൊണ്ടുവന്നെങ്കിലും സാവിയുടെ പിള്ളേര്‍ക്ക് ഗ്രൗണ്ടില്‍ അടിപതറുകയാണ്.
ചാമ്പ്യന്‍സ് ലീഗിലെ എല്‍ ക്ലാസികോയില്‍ റയല്‍ മാഡ്രിഡിനോട് 3-1 ന് തോറ്റുതുന്നം പാടിയതോടെ കടുത്ത നിരാശയിലാണ് ബാഴ്‌സ ക്യാമ്പ്. ഈയൊരു പരാജയം മാത്രമല്ല, നേരത്തെ റോമയോടും ലിവര്‍പൂളിനോടും ഏറ്റുവാങ്ങിയ വമ്പന്‍ തോല്‍വികളും കളിക്കാരെ പാടേ തളര്‍ത്തിയിട്ടുണ്ട്.
ഇങ്ങനെ മനസ് മടുത്തിരിക്കുന്നവരെ എങ്ങനെയെങ്കിലും ഒന്ന് ഉഷാറാക്കാനുള്ള ശ്രമത്തിലാണ് സാവിയെന്നാണ് ഇപ്പോള്‍ പുറത്തുവരുന്ന റിപ്പോര്‍ട്ടുകള്‍. മുന്‍ ബാഴ്‌സ താരം യുവാന്‍ കാര്‍ലോസ് ഉണ്‍സുവേയെ സാവി ക്ഷണിച്ചത് ഇതിനുവേണ്ടിയാണെന്നാണ് റിപ്പോര്‍ട്ടുകള്‍.
