ആലപ്പുഴ: ഹരിപ്പാട് ഡി.വൈ.എഫ്.ഐ ഭാരവാഹിയായ സുഹൃത്ത് ആക്രമിച്ചെന്ന വാര്‍ത്ത
വാസ്തവ വിരുദ്ധമാണെന്ന് എസ്.എഫ്.ഐ വനിതാ നേതാവ് ചിന്നു. കഴിഞ്ഞ ദിവസം നടന്നത് അപകടം മാത്രമായിരുന്നുവെന്നും ചിന്നു പറഞ്ഞു. ഫേസ്ബുക്ക് പോസ്റ്റിലൂടെയായിരുന്നു ഇവരുടെ പ്രതികരണം.
ചിലരുടെ വ്യക്തി താത്പര്യങ്ങള്‍ക്കുവേണ്ടി എസ്.എഫ്.ഐയേയും ഡി.വൈ.എഫ്ഐയേയും ഇതിലേക്ക് വലിച്ചിഴയ്ക്കുകയായിരുന്നുവെന്നും ചിന്നു പറയുന്നു.
‘പ്രിയപ്പെട്ടവരേ, കഴിഞ്ഞ ദിവസം എനിക്കുണ്ടായ ഒരു ആക്‌സിഡന്റുമായി ബന്ധപ്പെട്ട് ഇന്നലെ മുതല്‍ സോഷ്യല്‍ മീഡിയയിലും മറ്റ് വാര്‍ത്താ മാധ്യമങ്ങളിലും വരുന്ന വാര്‍ത്തകള്‍ തികച്ചും വാസ്തവ വിരുദ്ധമാണ്.
അതുമായി ബന്ധപ്പെട്ട് എന്റെ പ്രസ്ഥാനങ്ങളായ എസ്.എഫ്.ഐയേയും ഡി.വൈ.എഫ്.ഐയേയും സി.പി.ഐ.എമ്മിനെയും ബോധപുര്‍വമായി വലിച്ചിഴക്കുന്നത് ചിലരുടെ വ്യക്തിതാത്പര്യങ്ങള്‍ നേടിയെടുക്കുന്നതിന് വേണ്ടിയിട്ടാണ്.
