'എന്ത് രാഷ്ട്രീയ കൊടുങ്കാറ്റു വന്നാലും ഞാന്‍ നേരിടും, കൊറോണ വൈറസിനോടും ഞാന്‍ പോരാടും'; എന്തും നേരിടാന്‍ തയ്യാറെന്ന് ഉദ്ദവ് താക്കറെ
ഡൂള്‍ന്യൂസ് ഡെസ്‌ക്
Sunday, 13th September 2020, 3:21 pm
മുംബൈ: സംസ്ഥാനത്തെ രാഷ്ട്രീയ പ്രതിസന്ധിയും പൊതുജനാരോഗ്യം സംബന്ധിച്ച പ്രശ്‌നങ്ങളും നേരിടാന്‍ സര്‍ക്കാര്‍ തയ്യാറാണെന്ന് മഹാരാഷ്ട്രാ മുഖ്യമന്ത്രി ഉദ്ദവ് താക്കറെ.
” എന്ത് രാഷ്ട്രീയ കൊടുങ്കാറ്റ് വന്നാലും ഞാനത് നേരിടും, കൊറോണ വൈറസിനെതിരെയും ഞാന്‍ പോരാടും,” പൊതുജനങ്ങളോട് സംവദിക്കുന്ന ടെലിവിഷന്‍ പരിപാടിയിലൂടെ അദ്ദേഹം പറഞ്ഞു.
കഴിഞ്ഞ കുറേ ദിവസങ്ങളായി സര്‍ക്കാര്‍ കൊവിഡ് പ്രതിരോധത്തിനായി പോരാടിയെന്നും അതുപോലെ രാഷ്ട്രീയ പ്രതിസന്ധിക്കെതിരേയും പോരാടുമെന്നും ഉദ്ദവ് താക്കറെ പറഞ്ഞു.
നടി കങ്കണ റണൗത്തിന്റെ വിഷയം മഹാരാഷ്ട്രിയല്‍ രാഷ്ട്രീയ ചര്‍ച്ചകള്‍ക്ക് വഴിയൊരുക്കിയ സാഹചര്യത്തിലാണ് താക്കറെയുടെ പ്രതികരണം.
