പാര്‍ട്ടിയിലേക്ക് ക്ഷണിച്ചിട്ടില്ല, സുഹൃത്തെന്ന നിലയില്‍ സന്ദര്‍ശിച്ചിരുന്നു; തോട്ടത്തില്‍ രവീന്ദ്രനെ തള്ളി കെ.സുരേന്ദ്രന്‍
ഡൂള്‍ന്യൂസ് ഡെസ്‌ക്
Tuesday, 23rd February 2021, 11:25 am
കണ്ണൂര്‍: കോഴിക്കോട് മുന്‍ മേയറും സി.പി.ഐ.എം നേതാവുമായ തോട്ടത്തില്‍ രവീന്ദ്രനെ പാര്‍ട്ടിയിലേക്ക് താന്‍ ക്ഷണിച്ചിട്ടില്ലെന്ന് ബി.ജെ.പി സംസ്ഥാന അധ്യക്ഷന്‍ കെ.സുരേന്ദ്രന്‍.
സുഹൃത്തെന്ന നിലയില്‍ സന്ദര്‍ശനം നടത്തിയിരുന്നെങ്കിലും പാര്‍ട്ടിയിലേക്ക് ക്ഷണിച്ചിട്ടില്ലെന്നാണ് സുരേന്ദ്രന്‍ പറയുന്നത്. പലരുമായി ബി.ജെ.പി ചര്‍ച്ചകള്‍ നടത്താറുണ്ടെന്നും കെ.സുരേന്ദ്രന്‍ പറഞ്ഞു.
നേരത്തെ തന്നെ കെ. സുരേന്ദ്രന്‍ ബി.ജെ.പിയിലേക്ക് ക്ഷണിച്ചിരുന്നെന്ന് തോട്ടത്തില്‍ രവീന്ദ്രന്‍ പറഞ്ഞിരുന്നു. കെ.സുരേന്ദ്രന്‍ നയിക്കുന്ന വിജയ യാത്രയുടെ ഭാഗമായി തോട്ടത്തില്‍ രവീന്ദ്രന്‍ ബി.ജെ.പിയില്‍ ചേര്‍ന്നേക്കുമെന്ന പ്രചരണങ്ങള്‍ക്ക് മറുപടി പറയുകയായിരുന്നു അദ്ദേഹം.
