'രണ്ടാം ഘട്ടത്തിലും അവഗണിക്കപ്പെട്ടാല്‍ തിരിച്ചുവരവ് അസാധ്യമാകും'; സുപ്രീം കോടതിയെ സമീപിച്ച് ഗള്‍ഫ് രാജ്യങ്ങളില്‍ കുടുങ്ങിക്കിടക്കുന്ന ഗര്‍ഭിണികളായ മലയാളി നഴ്‌സുമാര്‍
ഡൂള്‍ന്യൂസ് ഡെസ്‌ക്
Saturday, 16th May 2020, 2:43 pm
ന്യൂദല്‍ഹി: നാട്ടിലേക്ക് മടങ്ങാന്‍ എത്രയും പെട്ടെന്ന് അവസരം ഒരുക്കണം എന്നാവശ്യപ്പെട്ട് ഗള്‍ഫ് രാജ്യങ്ങളില്‍ കുടുങ്ങിക്കിടക്കുന്ന മലയാളി നഴ്‌സുമാര്‍ സുപ്രീം കോടതിയില്‍ ഹരജി നല്‍കി.
ഗള്‍ഫില്‍ നിന്നുള്ള ഗര്‍ഭിണികളായ 56 നഴ്‌സുമാരാണ് കോടതിയെ സമീപിച്ചത്. യുണൈറ്റഡ് നഴ്സസ് അസോസിയേഷനാണ് നഴ്‌സുമാര്‍ക്ക് വേണ്ടി ഹരജി സമര്‍പ്പിച്ചത്.
വന്ദേഭാരത് പദ്ധതിയുടെ ഒന്നാം ഘട്ടത്തില്‍ അവഗണിക്കപ്പെട്ടവരാണ് കോടതിയെ സമീപിച്ചത്. രണ്ടാം ഘട്ടത്തില്‍ അവഗണിക്കപ്പെട്ടാല്‍ പ്രസവത്തിന് മുന്‍പ് തിരിച്ചുവരവ് അസാധ്യമാകുമെന്ന് ഹരജിയില്‍ പറയുന്നു. ഹരജി തിങ്കളാഴ്ച പരിഗണിക്കും.
