കൂട്ടില്‍ നിന്ന് ചാടിയ കടുവ ഒടുവില്‍ പിടിയില്‍
ഡൂള്‍ന്യൂസ് ഡെസ്‌ക്
Sunday, 1st November 2020, 1:52 pm
തിരുവനന്തപുരം: നെയ്യാര്‍ ലയണ്‍ സഫാരി പാര്‍ക്കില്‍ നിന്നും ചാടിപ്പോയ കടുവയെ ഒടുവില്‍ മയക്കുവെടി വെച്ച് പിടികൂടി.
കടുവ കൂട്ടില്‍ നിന്ന് ചാടിപ്പോയി 24 മണിക്കൂര്‍ പിന്നിട്ട ശേഷമാണ് വനം വകുപ്പ് അധികൃതരുടെ നേതൃത്വത്തില്‍ കടുവയെ പിടികൂടിയത്. വയനാട്ടില്‍ നിന്നും ഡോ. അരുണ്‍ സക്കറിയയുടെ നേതൃത്വത്തിലുള്ള സംഘത്തെ എത്തിച്ചതിന് ശേഷമാണ് മയക്കുവെടി വെച്ച് കടുവയെ പിടിച്ചത്.
പാര്‍ക്കിന്റെ പിന്‍ഭാഗത്തു നിന്നായിരുന്നു കടുവയെ കണ്ടെത്തിയത്. വയനാട് ചീയമ്പം പ്രദേശത്ത് ഭീതി സൃഷ്ടിച്ച കടുവയാണ് പിടിയിലായത്. സഫാരി പാര്‍ക്കില്‍ നിന്ന് ചാടിപ്പോയ കടുവ ജനവാസകേന്ദ്രത്തിലിറങ്ങുമോ എന്ന ആശങ്കള്‍ ഉയര്‍ന്നിരുന്നു.
