ആരിഫ് മുഹമ്മദ് ഖാന്‍ സാഹിബിന്റെ നിരാശ ഞാന്‍ പൂര്‍ണ്ണമായും മനസ്സിലാക്കുന്നു; എന്തിനിങ്ങനെ സഹിക്കുന്നുവെന്ന് ശശി തരൂര്‍
ഡൂള്‍ന്യൂസ് ഡെസ്‌ക്
Saturday, 11th December 2021, 4:00 pm
ന്യൂദല്‍ഹി: സര്‍ക്കാരിനെതിരെയുള്ള ഗവര്‍ണര്‍ ആരീഫ് ഖാന്റെ വിമര്‍ശനത്തില്‍ പ്രതികരണവുമായി കോണ്‍ഗ്രസ് നേതാവ് ശശി തരൂര്‍.
ആശങ്കാജനകമായ കാര്യങ്ങളാണ് നടക്കുന്നതെന്നും ഗവര്‍ണര്‍
ആരിഫ് മുഹമ്മദ് ഖാന്റെ നിരാശ താന്‍ പൂര്‍ണമായും മനസ്സിലാക്കുന്നെന്നും തരൂര്‍ പറഞ്ഞു.
”ഇത് ആശങ്കാജനകമായ സംഭവവികാസങ്ങളാണ്. ആരിഫ് മുഹമ്മദ് ഖാന്‍ സാഹിബിന്റെ നിരാശ ഞാന്‍ പൂര്‍ണ്ണമായും മനസ്സിലാക്കുന്നു. ദേശീയ തലത്തില്‍ രാഷ്ട്രപതിയെപ്പോലെ, സര്‍വ്വകലാശാലകളുടെ പ്രവര്‍ത്തനത്തിന് മേല്‍നോട്ടം വഹിക്കാന്‍ ഗവര്‍ണര്‍ക്കും ഒരു പ്രധാന ഉത്തരവാദിത്തമുണ്ട്,” തരൂര്‍ പറഞ്ഞു.
ഇങ്ങനെ ഒതുക്കപ്പെടുന്നത് എന്തിനാണ് ഗവര്‍ണര്‍ സഹിച്ചുനില്‍ക്കുന്നതെന്നും തരൂര്‍ ചോദിച്ചു.
