ബുംറക്ക് പകരം ചെണ്ടകളോ? ഇന്ത്യന്‍ ടീമിനൊപ്പം ഇവരും ഓസ്‌ട്രേലിയയിലേക്ക്
സ്പോര്ട്സ് ഡെസ്‌ക്
Saturday, 1st October 2022, 5:11 pm
ഇന്ത്യന്‍ ടീമിന്റെ സ്റ്റാര്‍ പേസര്‍ ജസ്പ്രീത് ബുംറ പരിക്കിന്റെ പിടിയിലായ വാര്‍ത്ത നിരാശയോടെയാണ് ആരാധകര്‍ അറിഞ്ഞത്. പരിക്കേറ്റതോടെ താരത്തിന്റെ ടി-20 ലോകകപ്പ് മോഹങ്ങള്‍ക്കും കരിനിഴല്‍ വീണിരിക്കുകയാണ്. ദക്ഷിണാഫ്രിക്കക്കെതിരായി നടന്ന ടി-20 പരമ്പരയിലാണ് ബുംറക്ക് പരിക്കേറ്റത്.
ഓസ്‌ട്രേലിയയില്‍ നടക്കുന്ന ടി-20 ലോകകപ്പില്‍ ബുംറയ്ക്ക് കളിക്കാന്‍ സാധിച്ചേക്കില്ല. ബുംറ കളിച്ചിക്കില്ല എന്ന വാര്‍ത്തക്ക് പിന്നാലെ ഉമ്രാന്‍ മാലിക്കും മുഹമ്മദ് സിറാജും ടീം ഇന്ത്യക്കൊപ്പം ചേരുമെന്ന റിപ്പോര്‍ട്ടുകളാണ് ഇപ്പോള്‍ പുറത്ത് വരുന്നത്. ഒക്ടോബര്‍ ആറിന് പെര്‍ത്തിലേക്ക് തിരിക്കുന്ന ഇന്ത്യന്‍ ടീമില്‍ ഇരുവരുമുണ്ടാകുമെന്ന് സ്പോര്ട്സ് സ്റ്റാര്‍ റിപ്പോര്‍ട്ട് ചെയ്യുന്നു.
