ന്യൂദല്‍ഹി: കേന്ദ്രസര്‍ക്കാരിന്റെ സീല്‍ഡ് കവര്‍ സമ്പ്രദായത്തിനെതിരെയുള്ള സുപ്രീം കോടതിയുടെ താക്കീതിനെ 16ാമത് രാംനാഥ് ഗോയങ്ക എക്സലന്‍സ് ഇന്‍ ജേര്‍ണലിസം അവാര്‍ഡ് ദാന ചടങ്ങില്‍ പരാമര്‍ശിച്ച് ഇന്ത്യന്‍ എക്സ്പ്രസ് ചീഫ് എഡിറ്റര്‍ രാജ് കമല്‍ ഝാ. പരിപാടിയില്‍ നന്ദി പറയവെ ‘ഇവിട സീല്‍ ചെയ്ത കവറില്‍ ഒന്നുമില്ല’ എന്ന് പറഞ്ഞാണ് രാജ് കമല്‍ തന്റെ പ്രസംഗം തുടങ്ങിയത്.
ചീഫ് ജസ്റ്റിസ് ഡി.വൈ. ചന്ദ്രചൂഡ് വേദിയിലും ഇന്‍ഫര്‍മേഷന്‍ ആന്‍ഡ് ബ്രോഡ്കാസ്റ്റിങ് മന്ത്രി അനുരാഗ് താക്കൂര്‍ സദസ്സിലുമുള്ളപ്പോഴാണ് രാജ് കമല്‍ ഝായുടെ പരാമര്‍ശം. സ്വതന്ത്ര പത്രപ്രവര്‍ത്തനത്തെക്കുറിച്ചുള്ള ചീഫ് ജസ്റ്റിസിന്റെ കാഴ്ചപ്പാടില്‍ സന്തോഷമുണ്ടെന്നും രാജ് കമല്‍ ഝാ പറഞ്ഞു.
‘വേദിയില്‍ ബഹുമാനപ്പെട്ട ചീഫ് ജസ്റ്റിസിന്റെ സാന്നിധ്യത്തില്‍ അഭിമാനമുണ്ട്. ഇവിടെ സീല്‍ ചെയ്ത കവറില്‍ ഒന്നുമില്ല(ചിരിക്കുന്നു- സദസ്സില്‍ നിന്ന് കയ്യടി).
When you prepare for Arun Purie but Rajkamal Jha comes out of the syllabus 🤣 pic.twitter.com/lA1t4bbE79
— Roshan Rai (@RoshanKrRaii) March 23, 2023
വോട്ട് ഓഫ് താങ്ങ്‌സ് പറയാനാണ് ഞാന്‍ നിങ്ങളുടെ മുന്നില്‍ നില്‍ക്കുന്നത്. എന്നാല്‍ നമ്മള്‍ ജീവിക്കുന്ന ഇക്കാലത്ത് വോട്ട് ഇല്ലെന്നും, നന്ദി മാത്രമേയുള്ളുവെന്നും പറയാന്‍ ഞാന്‍ ആഗ്രഹിക്കുന്നു,’ രാജ് കമല്‍ ഝാ പറഞ്ഞു.
മാധ്യമപ്രവര്‍ത്തകര്‍ ഇക്കാലത്ത് നേരിടുന്ന പ്രതിസന്ധിയെക്കുറിച്ചും തന്റെ പ്രസംഗത്തില്‍ രാജ് കമല്‍ സൂചിപ്പിച്ചു.
‘ചീഫ് ജസ്റ്റിസിന് ഞാന്‍ നന്ദി പറയുന്നു. ഈ പ്രതിസന്ധി നിറഞ്ഞ കാലത്തും അദ്ദേഹത്തിന്റ മാധ്യമപ്രവര്‍ത്തനത്തെക്കുറിച്ചുള്ള കഴ്ചപ്പാട് ഞങ്ങളുടെ വിശ്വാസം വര്‍ധിപ്പിക്കുന്നു.
